Framkvæmdir hafnar við bílaplan Hamarshallarinnar

skrifað 21. maí 2019
Bílaplan Hamarshöll - framkvæmdir 1

Framkvæmdir eru hafnar við bílaplanið við Hamarshöll en það mun við framkvæmdina stækka til muna en óhætt er að segja að ekki muni af veita því umferð um planið er gríðarleg sérstaklega þegar fjölmenn íþróttamót eru í húsinu.


Framkvæmdir eru hafnar við bílaplanið við Hamarshöll þar sem framundan er lagning bundins slitlags á hluta bílastæðanna, gerð stæða fyrir langferðabifreiðar auk frágangs á aðkomu og stæðum fyrir fatlaða.

Er hér um fyrsta hluta frágangs á bílastæðinu að ræða og því munu fleiri áfangar verða boðnir út á næstu árum en eins og flestum er kunnugt er bílastæðið afar stórt og því er hér um kostnaðarsama framkvæmd að ræða sem bæjarstjórn hefur ákveðið að skipta niður á nokkur ár.

Alls bárust 10 tilboð í verkið en það var fyrirtækið Arnon ehf sem var lægstbjóðandi í verkið en tilboð þeirra var 32.526.423,-. Kostnaðaráætlun Verkfræðistofunnar Verkís nam 35.577.900,-.

Verkinu miðar vel áfram eins og sjá má á meðfylgjandi myndum en verklok eru áætluð í júní.

Bílaplan Hamarshöll - framkvæmdir 2