Vinnuskólinn er vinnustaður fyrir unglinga. Áhersla er á ánægjulegt starfsumhverfi þar sem gefst kostur á starfskynningu, listasmiðju og fjölbreytni í vinnutilhögun. Vinnuskólinn er oft á tíðum fyrsta launaða vinna unglinganna og því mikilvægt að vel takist til, því lengi býr að fyrstu gerð. Vinnan í skólanum er í senn uppeldi, afþreying og tekjuskapandi. Unglingunum er kennt að umgangast verkefni sín og samstarfsfólk af virðingu og hvernig á að meðhöndla verkfæri.

Markmið vinnuskólans
- að læra stundvísi
- að hafa ánægju af því að skila góðu verki
- að læra að umgangast bæinn okkar af virðingu
- að auka færni í samskiptum
- að læra vinnubrögð og meðferð verkfæra
- að fegra og snyrta umhverfi okkar

Vinnutími:
Nemendur vinna frá 8. júní til 28. júlí 2010.
kl. 9:30 - 12:00 og 13:00 - 15:30 alla virka daga.
Lögð er áhersla á að nemendur klæði sig eftir veðri í viðeigandi fatnað.

Laun:
Viðmiðunartaxti fyrir sumarið 2010. Laun greiðast um mánaðamót.
Nemendur fæddir 1994 þurfa að skila inn skattkorti með umsókn sinni.
Nemendur fæddir 1996 fá kr 374 m/orl. á klst.
Nemendur fæddir 1995 fá kr. 422 m/orl. á klst.
Nemendur fæddir 1994 fá kr. 567 m/orl. á klst.


Starfsreglur:
- Vinnuskólinn er tóbakslaus vinnustaður
- Mæta ber stundvíslega til vinnu
- Beiðni um leyfi eða frívikur afgreiðir verkstjóri
- Ef veikindi eiga sér stað, ber að tilkynna verkstjóra og/eða flokksstjóra það símleyðis að morgni dags.
- Fara skal vel með verkfæri, stunda vinnuna af samviskusemi og fara eftir leiðbeiningum og fyrirmælum flokksstjóra.
- Vinnuskólinn leggur ekki til vinnufatnað.
- Engin ábyrgð er tekin á fötum, reiðhjólum eða öðrum hlutum sem starfsmenn er með á vinnustað.
- Notkun farsíma/ipod við vinnu er ekki heimil.

Brot á starfsreglum:
Brjóti nemandi vísvitandi reglur vinnuskólans getur flokksstjóri vísað starfsmanni úr vinnu tímabundið en brottvikning er í höndum verkstjóra í samráði við flokksstjóra og menningar- og frístundafulltrúa.

1. brot tiltal, áminning
2. brot rekinn í einn dag, samtal við foreldra/forráðamenn
3. brot rekinn alveg.


Nánari upplýsingar gefur Jóhanna M. Hjartardóttir menningar- og frístundafulltrúi s. 483 4000