Mannvirkja og umhverfissvið

Vefstjóri

2.3.2007 15:55:48

Umhverfisdeild

Mannvirkja- og umhverfisdeild
Sunnumörk 2
810 Hveragerði
Sími: 483 4000
Bréfasími: 483 4801
Netfang: elfa@hveragerdi.is

Forstöðumaður: Elfa Dögg Þórðardóttir, Mannvirkja-og umhverfisfulltrúi.

Mannvirkja- og umhverfisfulltrúi er framkvæmdastjóri mannvirkja- og umhverfisnefndar.
Mannvirkja-og umhverfisfulltrúi ber ábyrgð á rekstri mannvirkja- og umhverfissviðs og þeirra stofnana sem undir það heyra. Hann annast ráðningar lausamanna til þeirra starfa sem undir hann heyra, í samráði við bæjarstjóra. Mannvirkja-og umhverfisfulltrúi hefur yfirumsjón með umhverfisframkvæmdum og viðhaldi allra mannvirkja á vegum bæjarfélagsins og annast tilheyrandi áætlanagerð.

Eftirfarandi málaflokkar heyra undir Mannvirkja-og umhverfisfulltrúa:

Áhaldahús og vélamiðstöð
Rekstur vatns- og fráveitu
Skólphreinsistöð

Gámasvæði
• rekstur

Götur og gangstéttar
• viðhald og annar rekstur
• nýjir gangstígar
• snjómokstur

Eignasjóður
• rekstur fasteigna

Jóla- og áramótahátíðar
• jólaljós og brenna

Umhverfismál
• jöfnun úrgangsmoldar
• fjárheldar girðingar
• landgræðsluskógar
• sjálfbær þróun-S21
• landgræðsluskógur
• leikvellir-umhirða og viðhald
• íþróttavellir-umhirða og viðhald
• útivistarsvæði og almenningsgarðar
• sláttur og áburður
• umhverfishreinsun og útplöntun
• skipulagning nýrrar útplöntunar

Vinnuskóli, verkstjórn
Skólagarðar, verkstjórn

Mannvirkja- og umhverfisfulltrúi annast samskipti við Heilbrigðiseftirlit Suðurlands.

Tilkynningar

Vefstjóri

27.7.2010 08:38:59

Svala Ólafsdóttir með erindi í Listasafni Árnesinga í dag

Svala Ólafsdóttir með erindi í máli og myndum
Þriðjudaginn 27. júlí kl. 17 í Listasafni Árnesinga

Svala (1954) er gestalistamaður Varmahlíðarhússins um þessar mundir. Hún ólst upp á Selfossi en býr nú í Bandaríkjunum. Hún sótti menntun sína til Bandaríkjanna með áherslu á ljósmyndun og hefur frá námslokum sinnt listsköpun og kennslu ytra. Nánari upplýsingar um Svölu er að finna á heimasíðu safnsins www.listasafnarnesinga.is og á heimasíðu hennar sjálfrar www.svalaolafsdottir.com

Í verkum sínum fjallar Svala meðal annars um tengslin á milli minninganna, sagnanna, og svo hins uppfundna, eða tilbúna. Hún hefur einkum fengist við ljósmyndaverk og oftar enn ekki er myndum raðað saman, tveimur eða fleirum til þess að skapa orðræðu eða ef til vill torræðu á milli einstakra ramma. Ljósmyndaverk Svölu eru ljóðræn og huglæg.

Svala mun sýna og segja frá verkum sínum í erindi í Listasafninu síðdegis í dag kl. 17. Aðgangur er ókeypis og allir velkomnir.

Meira

Vefstjóri

23.7.2010 11:26:14

Sýningin ÁR: málverkið á tímum straumvatna

Sunnudaginn 25. júlí kl. 15 verður sýningin
ÁR: málverkið á tímum straumvatna
Sigtryggur Bjarni Baldvinsson ▪ Þorvaldur Skúlason

opnuð í Listasafni Árnesinga í Hveragerði. Sýningin er samstarfsverkefni Listasafns Árnesinga og Listasafns Háskóla Íslands, en í þess eigu er langstærsta safn landsins af verkum eftir Þorvald Skúlason, rúmlega 200 málverk og yfir þúsund teikningar og skissur frá öllum tímabilum ferils hans. Safnstjóri Listasafns Háskóla Íslands er Auður A. Ólafsdóttir listfræðingur og er hún jafnframt sýningarstjóri sýningarinnar. Hún hefur valið að láta verk hans eiga stefnumót við samtímalistina, við verk Sigtryggs Bjarna Baldvinssonar og kallar það í sýningarskrá „hinn óvænta fund rökhyggju og rómantíkur í miðju straumvatni.”

Nánari upplýsingar á heimasíðu safnsins: www. listasafnarnesinga.is

Tríó Páls Sveinssonar laðar fram ljúfa jass-tóna við opnunina

Verið velkomin

Meira

Vefstjóri

22.7.2010 09:16:22

Gæsluvöllur lokaður 29. júlí - 2. ágúst