1. gr.
Sjóðurinn heitir afreks – og styrktarsjóður
Hveragerðisbæjar.
2. gr.
Sjóðurinn veitir styrki og viðurkenningar eftir nánari
ákvörðun Íþrótta – og tómstundanefndar.
3. gr.
Stjórn sjóðsins
Íþrótta– og tómstundanefnd Hveragerðisbæjar fer með stjórn
sjóðsins, ákvarðar styrkveitingar og viðurkenningar fyrir unnin
afrek og hefur eftirlit með nýtingu styrkveitinga.
Starfstími sjóðsstjórnar er kjörtímabilið. Menningar- og
frístundafulltrúi er starfsmaður sjóðsins.
4. gr.
Markmið sjóðsins eru:
• að veita afreksíþróttafólki með lögheimili í
Hveragerðisbæ fjárhagslegan styrk vegna æfinga og/eða keppni, og
þannig búa þeim sem besta aðstöðu til að stunda íþrótt sína.
• að veita íþróttahópum í íþróttafélögum í Hveragerðisbæ sem
náð hafa afburðaárangri, fjárhagslegan styrk og gera þeim kleift að
búa sig enn betur undir áframhaldandi keppni.
• að veita árlega styrki og viðurkenningar fyrir unnin afrek í
íþróttum.
5. gr.
Viðmið styrkveitinga
Við styrkveitingar skal taka mið af eftirfarandi:
• Árangri á innlendum og erlendum vettvangi.
• Markmiðum og áætlunum um æfingar og/eða þátttöku í keppnum
innanlands og erlendis.
• Unnum titlum í íþróttum á árinu.
6. gr.
Umsóknir um styrki
Stjórn sjóðsins úthlutar styrkveitingum úr sjóðnum tvisvar
á ári, í apríl og október og þurfa umsóknir um styrki að berast
fyrir 1. apríl og 1. október ár hvert. Stjórninni er heimilt
að auglýsa eftir umsóknum um styrki eftir nánari ákvörðun
sinni. Einnig getur hún veitt styrki og viðurkenningar án
umsókna. Umsóknareyðublað um styrk úr afreks- og
styrktarsjóði er á heimasíðu Hveragerðisbæjar www.hveragerdi.is
.
Umsóknir um styrki:
• vegna einstaklinga skulu vera í nafni viðkomandi
íþróttamanns.
• vegna íþróttahópa skulu vera í nafni viðkomandi
íþróttaflokks/-hóps.
• skulu vera staðfestar af formanni
deildarinnar/félagsins.
Með umsóknum skulu fylgja:
• áætlanir um æfingar og fyrirhugaða þátttöku í keppnum og
markmiðum íþróttamannsins
• fjárhagsáætlun vegna fyrirhugaðra æfinga og/eða
keppna.
• önnur gögn er stjórn sjóðsins kann að telja
nauðsynleg.
Stjórn sjóðsins skal svara skriflega öllum umsóknum sem berast.
7. gr.
Greiðsla styrkja
Greiðslur úr afreks – og styrktarsjóði greiðast strax
þegar ákvörðun sjóðsstjórnar liggur fyrir. Styrkupphæðir
miðast við fjármagnsgetu sjóðsins hverju sinni.
8. gr.
Skyldur styrkþega
Allir íþróttamenn sem þiggja styrk úr afreks – og
styrktarsjóði skulu hlíta þeim reglum sem Íþrótta – og
Ólympíusamband Íslands setur um lyfjanotkun og lyfjaeftirlit, svo
og þeim almennu siða og agareglum sem gilda um framkomu
íþróttamanna innan vallar sem utan. Styrkþegi þarf að skila
greinargerð til sjóðsstjórnar um hvernig styrknum var varið.
9. gr.
Varsla afreks– og styrktarsjóðs
Vörslu og reiknishald sjóðsins annast stjórn
sjóðsins.
Stjórn sjóðsins skal birta uppgjör hans árlega með fundargerðum
íþrótta – og tómstundanefndar.
10 gr.
Tekjur sjóðsins
• Árlegt framlag úr bæjarsjóði Hveragerðisbæjar
samkvæmt fjárhagsáætlun hverju sinni.
• Frjáls framlög.
11. gr.
Gildistími
Reglugerðin gildir frá 1. janúar 2009.
Umsóknareyðublað er að finna undir Efnisveitum, eyðublöð.
Ungmennaráðstefnan Ungt fólk og lýðræði verður haldin í
Hveragerði 22.-24. sept. nk.
Skráningar eru ennþá í fullum gangi. Vona að þið hafið aðeins látið
vita af ungmennaráðstefnunni í kringum ykkur!!!
Ungmennaráðstefnan er frábært tækifæri fyrir ungt fólk til að
fræðast, taka þátt, hafa áhrif, mynda tengslanet og svo að hafa
gaman saman.
• Logi Bergmann, fjölmiðlamaður, með kynningu á möguleikum ungs fólks í fjölmiðlaumræðum, framkomu og þátttöku.
• Pia Viktoria, finnskur sjálfboðaliði, verður með kynningu á möguleikum ungs fólks í sjálfboðastarfi.
• Bára Sigurjónsdóttir, Umboðamaður barna, verður með umræður um réttindi ungs fólks.
• Stefán Bogi mun svo leiða hópinn í því að
finna sameiginlega niðurstöðu og mynda ályktun ráðstefnunnar.
• Ungmennaráð UMFÍ sér um verkefni úr Kompás,
kynnisferð og kvöldvöku og
• hópefli verður í höndum Jörgens.
Hveragerðisbær auglýsir eftir áhugasömu
ungu fólki á aldrinum 16 – 25 ára sem hefur áhuga á að fara á
ráðstefnuna fyrir hönd Hveragerðisbæjar. Vinsamlega hafið samband
við Jóhönnu Hjartardóttur í síma 483-4000 eða á netfangið jmh@hveragerdi.is
Laugardaginn 17. september á Grýluvelli
- Kl. 12:00 knattþrautir
- Kl. 12:45 sumarið gert upp, ný æfingatafla og
vetrarstarfið kynnt
- Kl. 13:15 grillveisla og ís
- Kl. 14:00 Hamar – ÍH 2. deild
Mætum öll og tökum mömmu og pabba með!
Fimmtudaginn 15.september Kl.19:15
í íþróttahöllinni í Hveragerði
Mætum öll og styðjum Hamarsliðið til sigurs!“
Aðgangseyrir 1.000 Ath. stuðningsmannakortin gilda ekki á bikarleiki
ÁFRAM HAMAR!!!
Á morgun, laugardaginn 3. september kl. 15.00 verður ný sýning opnuð í Listasafni Árnesinga sem fengið hefur heitið ALMYNSTUR, en þar eru verk Arnars Herbertssonar, JBK Ransu og Davíðs Arnar Halldórssonar skoðuð í samhengi.
Sjá nánar á heimasíðu safnsins www.listasafnarnesinga.is
Fimmtudaginn 1. september kl. 16:30-19:00 verður haldin íþrótta-
og tómstundakynning í Grunnskólanum. Þar munu fulltrúar frá flestum
íþrótta- og tómstundagreinum í Hveragerði kynna starf sitt og taka
á móti skráningu. Má þar nefna: Fimleika, fótbolta, badminton,
sund, körfubolta, kirkjustarfið, hjálparsveitina, listasafnið,
Taewondo frá Selfossi og fleiri. Viljum við sérstaklega hvetja
nemendur á elsta stigi til að mæta þar sem Hjálparsveitin mun kynna
vetrarstarf sitt ásamt öðrum íþróttagreinum sem taka alltaf á móti
nýjum iðkendum á öllum aldri.
Vonumst til að sjá sem flesta, nemendur og foreldra.
Stjórn foreldrafélagsins
Ræðum framhaldið í vetur, skoðum nýja sýningu og eigum notalega kvöldstund með handavinnuna okkar. Gaman væri að sjá eitthvað af afrakstri sumarsins.
ATH. Nýr inngangur í bókasafnið beint á móti aðaldyrum í Sunnumörk!
Vonumst til að sjá sem flesta, nemendur og foreldra.
Stjórn foreldrafélagsins







