Hveragerðisbær styður við foreldra og forráðamenn í uppeldishlutverkinu með því að bjóða barnafjölskyldum bestu mögulegu þjónusta í bæjarfélagi þar sem ungt kraftmikið fólk sækist eftir að búa, í umhverfi sem hentar nútíma fjölskyldum. Lögð er áhersla á samfellu í skóla- og tómstundastarfi.

Í Hveragerði eru starfræktir tveir leikskólar, Undraland og Óskaland og einn grunnskóli, Grunnskólinn í Hveragerði. Skólastarf hefur verið blómlegt og sífellt er leitað nýrra leiða til að koma til móts við auknar kröfur samfélagsins. Áhersla hefur verið lögð á að efla samskipti milli skólanna þriggja, þannig að skólahald myndi eina samfellda heild, allt frá barni til unglings. Þessi tilhögun er liður í því að veita barninu þann stuðning sem líklegur er til að efla sjálfsöryggi og námsárangur.

Frístundaskóli eftir að skóladegi lýkur og gæsluvöllur fyrir yngstu börnin á sumrin er einnig hluti af þjónustu Hveragerðisbæjar við íbúa bæjarins.

Hveragerðisbær tekur þátt í rekstri Tónlistarskóla Árnessýslu með öðrum sveitarfélögum í sýslunni.

Smellið hér til að opna skólastefnu Hveragerðisbæjar.

Smellið hér til að opna viðmiðunarreglur vegna grunnskólanáms utan lögheimilissveitarfélags.