Fjárhagsaðstoð frá Hveragerðisbæ fer eftir 21. gr. laga um félagsþjónustu sveitarfélaga nr. 40/1991 og reglum um fjárhagsaðstoð sem samþykktar voru 15. nóvember 2007.

Upphæð fjárhagsaðstoðar tekur mið af tekjum umsækjanda eða hjóna/sambúðarfólks og ákveðinni grunnfjárhæð sem er frá 1. jan. 2009 fyrir einstakling kr. 117.180 og fyrir hjón kr. 187.488 Aðstoðin er í formi styrks eða láns.

Hverjir eiga rétt?
Í 19. gr. laga um félagsþjónustu sveitarfélaga segir m.a. að hverjum manni er skylt “að framfæra sjálfan sig, maka sinn og börn yngri en 18 ára”. Verði einstaklingur að leita eftir aðstoð sveitarfélagsins um þetta þarf hann að vera fjárráða og eiga lögheimili í bænum. Sjálfstætt starfandi einstaklingar þurfa að hafa lagt inn vsk-númer sitt. Fjárhagsaðstoð er veitt í tengslum við önnur úrræði, t.d. ráðgjöf og leiðbeiningar.

Hvernig er sótt um?
Sótt er um fjárhagsaðstoð hjá félagsmálastjóra. Eftirtalin gögn þurfa að fylgja umsókninni:
1. Tekjuseðlar (laun/bætur) fyrir síðustu 2 mánuði.
2. Nýjasta skattframtal og álagningarseðill.
3. Skráning í Svæðisvinnumiðlun Suðurlands eða læknisvottorð um óvinnufærni.
4. Önnur gögn eða gjöld sem við geta átt, s.s. yfirlit yfir greiðsluþjónustu.
5. Dvalarleyfisskírteini frá Útlendingastofnun hafi umsækjandi erlent ríkisfang.

Umsókn þarf að vera undirrituð af umsækjanda.

Er fjárhagsaðstoð framtalsskyld og skattskyld?
Allir fjárhagsstyrkir eru skattskyldir og af þeim er dregin staðgreiðsla skatta.
• Áríðandi er að skila inn skattkorti a.m.k. degi áður en til greiðslu kemur
Á skattframtali ber að telja fram til tekna þá aðstoð sem veitt hefur verið í formi styrks en launaseðlar eru sendir út í janúar ár hvert. Fjárhagsaðstoð sem veitt er á grundvelli rangra eða villandi upplýsinga er ætíð endurkræf.

Félagsleg heimaþjónusta hefur það markmið að aðstoða einstaklinga og fjölskyldur sem geta ekki án utanaðkomandi aðstoðar séð um heimilishald. Þjónustan getur verið veitt tímabundið eða til lengri tíma, allt eftir aðstæðum. Sjá reglur um félagslega heimaþjónustu.

Samkvæmt lögum um málefni aldraðra og lögum um félagslega þjónustu sveitarfélaga eiga þeir rétt á félagslegri heimaþjónustu sem búa í heimahúsum og geta ekki vegna skertrar getu, fjölskylduaðstæðna, álags, veikinda, barnsburðar eða fötlunar sinnt heimilishaldi eða öðru hjálparlaust.

Sækja þarf skriflega um félagslega heimaþjónustu. Hægt er að nálgast umsóknareyðublað á bæjarskrifstofunni eða hér neðar á síðunni. Eftir að umsókn hefur borist hefur forstöðumaður heimaþjónustu samband og ákveður heimsókn til að meta þörfina fyrir þjónustu, í samráði við umsækjanda. Þegar mat liggur fyrir er gengið frá þjónustusamningi þar sem nánar er tilekið hvaða verkefni starfsmaður skuli inna af hendi.

Forstöðumaður heimaþjónustu fer yfir umsóknir um félagslega heimaþjónustu, metur og endurmetur þjónustuþörf, gerir þjónustusamninga. Að auki veitir hann frekari upplýsingar er varða þjónustuna og breytingu á þjónustu til þjónustuþega.
Forstöðumaður heimaþjónustu er Erna Sigurveig Guðmundsdóttir.
Símatími: mánudaga, miðvikudaga og föstudaga kl. 9-10.
Flokkstjóri skipuleggur vinnuáætlun starfsmanna í samvinnu við forstöðumann og tekur afleysingar. Flokkstjóri er Ebba Lóa Ásgeirsdóttir, hægt er að ná í hana í síma 660-3916

Gjaldskrá fyrir félagslega heimaþjónustu
Umsóknareyðublað fyrir félagslega heimaþjónustu

Hveragerðisbær hefur rekið dagdvöl aldraðra frá því í júní 2006. Félagsmálaráðuneytið veitti leyfi fyrir 5 dagvistarrýmum í janúar 2007. Dagdvölin var rekin að Lækjarbrún 9 við góðan orðstír.

Hveragerðisbær gerði samning við Ás, dvalar- og hjúkrunarheimili um að taka við rekstri dagdvalar aldraðra frá og með 10. ágúst 2009.

Nánari upplýsingar um dagdvölina er að finna á heimasíðu Ás, dvalar- og hjúkrunarheimili

Dagforeldrar eru sjálfstæðir verktakar, en félagsmálastjóri hefur umsjón og eftirlit með starfsemi þeirra og ráðgjöf við dagforeldra og foreldra. Allir sem fá starfsleyfi til daggæslu í heimahúsum þurfa að uppfylla skilyrði sbr. reglugerð nr. 907/2005 um daggæslu í heimahúsum frá maí 2002.

Umsókn um daggæslu barna í heimahúsi.

Að velja dagforeldra
Þegar foreldrar velja dagforeldri fyrir barn sitt er ráðlagt að þeir kynni sér vel þá þjónustu sem er í boði og kanni allar aðstæður á heimilinu sem nýttar eru til starfsins, t.d leikaðstöðu bæði úti og inni, hvíldaraðstöðu og leikfangakost. Mælt er með að foreldrar kynni sér starfsemi og aðstæður hjá fleiri en einu dagforeldri og velji síðan þann aðila sem þeim líst best á. Ráðlagt er að gera skriflegan samning milli foreldra og dagforeldra um dvalartíma barns og gjald fyrir dvölina. Bent er á að ákvörðun um vistun barns er ætíð á ábyrgð foreldra.

Bæjarstjórn Hveragerðis hefur samþykkt að öll daggæsla í heimahúsum er niðurgreidd af Hveragerðisbæ samkvæmt ákveðnum reglum:

Hjón/sambúðarfólk niðurgreiðslur frá 9 mánaða aldri og þar til barn fer á leikskóla (18 mánaða).
Einstætt foreldri fær niðurgreiðslur frá 6 mánaða og þar til barn fer á leikskóla.


Hjón og sambúðarfólk.
Greitt niður kr. 2.880 pr mánaðarklukkustund
4 klst 11.520
5 klst 14.400
6 klst 17.280
7 klst 20.160
8 klst 23.000

Einstæðir, báðir foreldrar í námi.
Greitt niður kr. 3.900 pr. mánaðarklukkustund
4 klst 15.600
5 klst 19.500
6 klst 23.400
7 klst 27.300
8 klst 31.200

Annað foreldri í námi.
Greitt niður kr. 3.390 pr. mánaðarklukkustund
4 klst 13.560
5 klst 16.950
6 klst 20.340
7 klst 23.730
8 klst 27.120

Systkinaafsláttur 30%
Ef annað barn hjá dagmömmu og hitt á leikskóla er systkinafsláttur tekin af leikskólagjaldinu.

Dagforeldrar:

Dakri Irene Husted
Kambahrauni 29
S: 586 1309
GSM: 695 1309

Þóra Möller
Borgarheiði 20
S: 555 2095
GSM: 696 2095

Þuríður Andrésdóttir
Arnarheiði 1
S: 564 3915
GSM: 690 7991

Heimasíða félags dagforeldra á Suðurlandi: http://sds.123.is/

Hveragerðisbær greiðir húsaleigubætur skv. lögum nr. 138/1997 er tóku gildi 1. jan. 1998.
Sótt er um húsaleigubætur á þar til gerðu umsóknareyðublaði sem nálgast má á bæjarskrifstofu eða hér neðar á síðunni.
Nánari upplýsingar um húsaleigubætur veitir María Kristjánsdóttir, félagsmálastjóri, í síma 483-4000. Símatími mánudaga, miðvikudaga og föstudaga kl. 9-10.
Húsaleigubætur eru eftirágreiddar og skila þarf umsókn fyrir 16. dag fyrsta greiðslumánaðar til þess að eiga rétt á húsaleigubótum fyrir þann mánuð.

Hverjir eiga rétt?
Þeir leigjendur eiga rétt á húsaleigubótum sem leigja íbúðarhúsnæði til búsetu og eiga þar lögheimili. Uppfylla þarf eftirtalin skilyrði varðandi húsnæðið:
I. Íbúðarhúsnæðið skal vera skilgreint sem íbúðarhúsnæði hjá byggingafulltrúa.
II. Íbúðarhúsnæðið verður að vera a.m.k. eitt svefnherbergi ásamt séreldhúsi eða eldunaraðstöðu og sérsnyrtingu og baðaðstöðu. Ekki eru greiddar húsaleigubætur vegna leigu á einstaklingsherbergjum eða ef eldhús eða snyrting er sameiginleg fleirum.
Undanþegnir ofangreindu eru fatlaðir einstaklingar á sambýlum og námsmenn á framhalds- og háskólastigi sem leigja herbergi á heimavist eða á stúdentagörðum.

Hverjir eiga ekki rétt?
Þrátt fyrir að almenn skilyrði bótaréttar séu uppfyllt þá er réttur til húsaleigubóta ekki fyrir hendi í eftirfarandi tilfellum:
• Ef húsnæðið sem um ræðir hefur verið skilgreint hjá byggingafulltrúa sem iðnaðar-, verslunar- eða skrifstofuhúsnæði eða bílskúr.
• Ef íbúð er í bílskúr og hefur ekki verið samþykkt af byggingarfulltrúa.
• Ef leigusali og umsækjandi, eða einhver sem býr með umsækjanda, búa í sama húsi og eru skyldmenni í beinan legg.
• Ef umsækjandi eða einhver, sem í húsnæðinu býr með honum, nýtur réttar til vaxtabóta.
• Ef leigusamningur er til skemmri tíma en 6 mánaða.

Eftirtalin gögn þurfa að fylgja umsókn
• Afrit af síðasta skattframtali staðfest af skattstjóra.
• Launaseðlar þriggja síðustu mánaða allra heimilismanna.
• Frumrit þinglýsts leigusamnings á staðfestu samningseyðublaði félagsmálaráðuneytis eða Íbúðarlánasjóðs. Þetta ákvæði á ekki við um félagslegar leiguíbúðir.
• Staðfesting skóla um nám barna umsækjanda sem eru eldri en 20 ára og stunda skólanám í sex mánuði eða lengur á árinu.
• Staðfesting á lögheimili í íbúð frá Hagstofu Íslands eða útprentað úr þjóðskrá.

Ath. umsókn er ekki afgreidd fyrr en öll fylgigögn hafa borist.
Hvernig eru húsaleigubætur greiddar út?
Húsaleigubætur eru eftirágreiddar og koma til greiðslu frá og með þeim mánuði sem réttur til bóta hefur verið staðreyndur. Bætur eru greiddar út mánaðarlega eigi síðar en 5. dag hvers mánaðar.

Umsókn um húsaleigubætur

Nánari upplýsingar og reikniforrit er að finna á heimasíðu félagsmálaráðuneytis.

Sérstakar húsaleigubætur

Reglur um sérstakar húsaleigubætur

Umsókn um sérstakar húsaleigubætur