Nú þegar líða tekur á seinni hluta vetrar og vorið tekur á móti okkur þá höfum við hjá Leikfélagi Hveragerðis staðið í ströngu við að skipuleggja frábæra fjölskylduskemmtun sem enginn ætti að láta framhjá sér fara. Um er að ræða meistaraverk Astridar Lindgren um strákskrattann og ólátabelginn Emil í Kattholti í þýðingu Vilborgar Dagbjartsdóttur. Leikstjórinn að þessu sinni er Sigurður Blöndal og þekkir hann vel til félagsins því hann leikstýrði meðal annars Kardimommubænum og Dýrunum í Hálsaskógi við góðan orðstír. Er þetta tilvalin skemmtun fyrir einstaklinga og hópa sem vilja gera sér dagamun og leggja upp í einstaka fjölskylduferð. Margt hefur gengið á hjá okkur síðustu misseri og má þar nefna endurbætur á húsnæði okkar(Austurmörk 23 beint á móti Shell og við hliðina á Eden.) og í framhaldi af því setjum við upp eina umfangsmestu sviðsmynd sem við höfum gert og það fyrir pollann hann Emil. Yfir 30 manns hafa lagt hönd á plóg til að láta þessa sýningu verða að veruleika og má einnig nefna að leikfélagið var í góðu samstarfi við grunnskólann hér í bæ við smíð á hinum ýmsu leikmunum og eru einnig nokkrir nemendur skólans sem láta ljós sitt skína í verkinu. Með helstu hlutverk fara: Dagbjartur Kristjánsson sem Emil, Gunnhildur Fríða Hallgrímsdóttir sem Ída, Gunnar Þór Jónsson sem Anton (pabbi), Hafdís Ósk Guðmundsdóttir sem Alma (mamma), Guðmundur Kr. Erlingsson sem Alfreð og

Sýningaskipulag fyrir Emil í Kattholti

13.mars Laugardagur Kl:15.00 Frumsýning
14.mars Sunnudagur Kl:18.00
19.mars Föstudagur Kl:18.00
20.mars Laugardagur Kl:15.00
21.mars Sunnudagur Kl:14.00
26.mars Föstudagur Kl:18.00
27.mars Laugardagur Kl:15.00

Almennt verð (5ára og eldri): 1700 kr.
Hópar 15+: 1500 kr.
Börn 4 ára og yngri: Engir peningar :D