Hveragerði

Sumarlestur á bókasafninu

21. maí 2013

Sumarlestur hefst fljótlega eftir að skóla lýkur og stendur fram í ágúst. Sumarlestur er lestrarhvetjandi verkefni fyrir 6-12 ára börn og miðar að því að viðhalda lestrarfærni barnanna yfir sumarið. Þema sumarlestrarins í ár er fuglar. Við munum að öllum líkindum geta boðið börnunum seinnipartsdagskrá einu sinni til tvisvar í mánuði meðan á sumarlestri stendur og svo er náttúrlega...

Leikskólinn Undraland auglýsir eftir leikskólakennara til starfa

21. maí 2013

Leikskólinn Undraland Hveragerði óskar eftir leikskólakennara frá og með 22. Júlí 2013. Til greina kemur að ráða starfskrafta með aðra uppeldismenntun.
Leikskólinn starfar samkvæmt aðalnámskrá og uppeldisstefnu John Dewey.
Einkunarorð Undralands eru „ leikur, umhyggja og öryggi“.
Við leitum að ábyrgum, stundvísum og barngóðum einstaklingi.
Umsóknarfrestur er til 4. júní 2013.

Umsóknum skal skilað á skrifstofu Hveragerðisbæjar Sunnumörk 2. Umsóknareyðublöð eru á vef Hveragerðisbæjar: http://hveragerdi.is/

Upplýsingar veitir Sesselja Ólafsdóttir leikskólastjóri í síma 4834234

Breyttur opnunartími bókasafnsins frá 1. júní.

17. maí 2013

Lítil aðsókn hefur verið að safninu síðasta hálftímann á virkum dögum (18:30 – 19:00) í vetur svo við höfum ákveðið að loka safninu framvegis kl. 18:30 virka daga. Það er einnig til samræmis við aðra í húsinu. Nýr opnunartími tekur gildi 1. júní 2013 og verður þá opið virka daga kl. 13:00-18:30 og laugardaga kl. 11-14. Viðburðir verða áfram lengur eða á kvöldin ef þarf, en þeir eru alltaf...

Handmenntasýning nemenda GíH á bókasafninu

17. maí 2013

Á Bókasafninu í Hveragerði stendur nú yfir sýning á verkum nemenda GÍH sem unnin voru nú í vor. Þetta eru valin verk úr handmennt og myndmennt sem nemendur samþykktu að lána á sýninguna. Fyrirvari var stuttur svo þetta er ekki úrval vetrarins, en sýnir þó hve fjölbreytt og skemmtileg verkefni nemendur fást við í þessum greinum. Greinilegt er að bæði nemendur og kennarar leggja metnað í...

Sýningin "Blóm í bæ" verður haldin árið 2014

17. maí 2013

Bæjarráð samþykkti á fundi sínum þann 16. maí sl. að Garðyrkju- og blómasýningin „Blóm í bæ“ verði haldin næst sumarið 2014.

Það er ljóst að sýningin hefur tekist með miklum ágætum undanfarin ár. Hún hefur mikið gildi fyrir græna geirann og gróðurmenningu í landinu enda er ríkur vilji til áframhaldandi þátttöku hjá þeim aðilum sem komið hafa að sýningunni undanfarin...

Danskt kaffihús í Grunnskólanum

17. maí 2013

Fjölmargir heimsóttu grunnskólann í morgun þar sem nemendur 10. bekkjar slógu upp kaffihúsi að dönskum sið.

Skildpadde café og pizzeria kölluðust herlegheitin en nemendur gengu um hvítklædd og tóku pantanir sem gefnar voru á dönsku og svöruðu til baka á dönsku.

Ágóði veitingasölunnar rennur í ferðasjóð nemendanna en þau halda norður í land fljótlega á vit ævintýra í Skagafirði.

Afar skemmtilegt framtak og greinilegt á gestum að Skildpadde café féll í góðan jarðveg.

Regnbogafáni dreginn að húni

17. maí 2013

Alþjóðlegur baráttudagur gegn homo-, bi- og transfóbíu (fælni gagnvart samkynhneigðum, tvíkynhneigðum og transfólki) er haldinn 17. maí ár hvert, en þann dag árið 1990 var samkynhneigð tekin út af sjúkdómalista Alþjóða heilbrigðisstofnunarinnar.

Hveragerðisbær fagnar fjölbreytni mannlífsins og vill vekja athygli á rétti allra til fyllstu mannréttinda. Því drögum við regnbogafánann að...

Kvennaveldi !

16. maí 2013

Tímabundið kaffihús

16. maí 2013

Skildpadde café og pizzeria

Föstudaginn 17.maí opnar 10. bekkur danskt kaffi- og pizzahús í matsal skólans.

Kaffihúsið verður aðeins opið milli kl. 10.10 og 11.10 þann dag.

Á matseðlinum verður dansk chokoladekage, pizza, kakao med flødeskum, kaffe og cola.

Allir velkomnir.

Allur ágóði rennur í ferðasjóð 10. bekkja.

Vinnuskóli og sumarnámskeið fyrir börn og ungmenni

14. maí 2013

Menningar-, íþrótta- og frístundasvið Hveragerðisbæjar kynnir afþreyingu fyrir börn og ungmenni sumarið 2013. Fylgist vel með linknum, sumarnámskeið 2013, á forsíðu þar sem öll námskeið verða kynnt.

Hreinn blómabær

10. maí 2013

Hveragerðisbær efnir til almenns hreinsunardags í Hveragerði laugardaginn 11. maí 2013

Þetta er fjölskyldudagur þar sem allir eru hvattir til að sameinast og snyrta sitt nánasta umhverfi, jafnt innan garðs sem utan. Gámastöðin verður opnuð kl 11:00 á laugardeginum og lokar kl. 18:00

Starfsmenn gámastöðvarinnar ætla að bjóða upp á kaffi, te og djús og afhenda ruslapoka fyrir þá...

Góð niðurstaða rekstrar

10. maí 2013

Ársreikningur Hveragerðisbæjar fyrir árið 2012 hefur verið samþykktur við aðra umræðu í bæjarstjórn. Reikningurinn sýnir að rekstur bæjarins (samstæðu A og B hluta) gekk vel á árinu og var rekstrarafgangur fyrir fjármagnsliði og afskriftir (EBITDA) um 284 milljónir sem er um 17% af heildartekjum.

Bein útsending frá bæjarstjórnarfundi

07. maí 2013

Tengill á beina útsendingu bæjarstjórnarfunda er kominn í listann hér til vinstri.

Hjólastemning hjá Iceland Activities

06. maí 2013

í samstarfi við Hveragerðisbæ bjóða bæjarbúum upp á ráðleggingar og ástandsskoðun á reiðhjólum fjölskyldunnar.

Opið hús hjá Iceland Activities að Mánamörk 3-5 frá kl.15:00-18:00.

Veitingar í boði Kjörís, Almars bakara og MS.

Bæjarstjórnarfundur 7. maí

03. maí 2013

BÆJARSTJÓRN HVERAGERÐISBÆJAR
444. fundur
bæjarstjórnar Hveragerðisbæjar verður haldinn á bæjarskrifstofunum, Sunnumörk 2, þriðjudaginn 7. maí 2013 og hefst kl. 17.

Laus staða deildarstjóra sérkennslu.

02. maí 2013

Við Grunnskólann í Hveragerði er laus staða deildarstjóra sérkennslu.

Grunnskólinn í Hveragerði er vel staðsettur í grónu og glæsilegu bæjarfélagi. Einkunnarorð skólans eru: viska, virðing og vinátta. Í ljósi þessara einkennisorða eru dagleg störf mótuð. Í skólanum eru um 330 nemendur í 1.-10. bekk. Skólinn er grænfánaskóli og lögð er áhersla á nýtingu nánasta umhverfis við kennslu. Í þeim tilgangi er starfrækt útikennslustofa og umhverfismálum er vel sinnt.
Tónlistarkennsla er á skólatíma á vegum Tónlistarskóla Árnessýslu.

Hreinn blómabær - hreinsunardagur

30. apr 2013

Hveragerðisbær efnir til almenns hreinsunardags í Hveragerði laugardaginn 11. maí 2013

Þetta er fjölskyldudagur þar sem allir eru hvattir til að sameinast og snyrta sitt nánasta umhverfi, jafnt innan garðs sem utan.

Gámastöðin verður opnuð kl 11:00 á laugardeginum og lokar kl. 18:00

Vor í blómabæ - fræðslufundur

30. apr 2013

Hveragerðisbær efnir til fræðslufundar laugardaginn 4. maí í grunnskólanum

Kristinn H. Þorsteinsson umhverfisfulltrúi Hveragerðisbæjar flytur erindi sem hann nefnir „Rót vandans“. Þar mun hann meðal annars fjalla um nokkra helstu lykilþætti í ræktun, til að mynda jarðveg og jarðvegsgerð og þær kröfur sem plöntur gera til jarðvegs. Þá verður kennt hvernig á að bera sig að við upptöku trjágróðurs til flutnings, gróðursetningar og áburðargjöf.

Sara Riel í Listasafninu 1. maí

30. apr 2013

1. maí kl. 17:00 Sara Riel myndlistarmaður í LISTASAFNI ÁRNESINGA Í HVERAGERÐI

Umræðudagskrá um graffití og strætislist með Söru Riel sem er höfundur verkanna á sýningunni Slangur(-y). Hún mun segja frá eigin listþróun en hún vakti fyrst eftirtekt sem listamaður vegna strætis-listaverka sem finna má víða í Reykjavík og öðrum borgum heimsins. Hún mun kynna heimildarkvikmyndina...

Menningarstund í kvöld

30. apr 2013

Þriðjudaginn 30. apríl n.k. verður Menningarstund í Listasafni Árnesinga kl. 20. Þar verður rifjuð upp saga frumkvöðla menningarlífs í Hveragerði í tali og tónum.

Sundlaugin opin eftir framkvæmdir

26. apr 2013

Framkvæmdir við lagningu fráveitulagna að sundlauginni í Laugaskarði er nú að verða lokið. Steypufrágangur á stétt kláraðist fyrir helgi en ekki var hægt að steypa fyrr í vikunni v/næturfrosts.

Lokafrágangi á lóð er ekki lokið.

Laugargestir eru beðnir velvirðingar á þeirri truflun sem getur orðið vegna lokafrágangs á lóð.

Björn Pálsson hlýtur umhverfisviðurkenninguna 2013

26. apr 2013

Björn Pálsson, fyrrverandi skjalavörður, hlaut umhverfisviðurkenningu Hveragerðisbæjar árið 2013, sem veitt var af forseta Íslands, hr. Ólafi Ragnari Grímssyni, á sumardaginn fyrsta.

Útboð - KLÆÐNING ÚTVEGGJA

24. apr 2013

Hveragerðisbær óskar eftir tilboðum í verkið:

KLÆÐNING ÚTVEGGJA - BREIÐUMÖRK 24.
Verkið felur í sér að klæða húsið Breiðamörk 24 að utan með bárujárni af ALUZINK gerð. Klæðningin gerist þannig að utan á veggi kemur trégrind með einangrun sem klæðist með bárujárni. Húsið er mynd- og handmenntahús Grunnskólans í Hveragerði og er ein hæð um 370 m2 að grunnfleti.
Helstu...

Fjölskyldustemming í Listasafni Árnesinga á sumardaginn fyrsta

24. apr 2013

kl. 15:30 mun Inga Jónsdóttir bjóða upp á leiðsögn um sýningarnar Til sjávar og sveita þar sem verk eftir Gunnlaug Scheving eru til skoðunar og Slangur(-y) þar sem verk eftir Söru Riel eru til sýnis. Sjóninni verður einkum beint að verkum Gunnlaugs sem eru ýmist risastór málverk eða fjöldi frumdraga og undirbúningsverka þar sem viðfangefnið er vinna til sjós og ævintýri til sveita. Táknrænar...

Kátir krakkadagar á Setrinu miðvikudag 24. apríl kl. 14-16

24. apr 2013

Hittumst á Setrinu 24 apríl nk.kl.14:00-16:00 Haltá ketti, ný netverslun verður með kynningu á barnafötum, leikföng, smekkir, skart og fl. Haltá ketti.

Kjörfundur í Hveragerðisbæ

23. apr 2013

Kjörfundur vegna alþingiskosninga laugardaginn 27. apríl 2013 hefst kl. 9:00 og lýkur kl. 22:00 þann dag. Kjörfundurinn verður í Grunnskólanum í Hveragerði, gengið er inn um aðalinngang við íþróttahúsið.

Sérstök athygli er vakin á eftirfarandi:

Kjósandi skal hafa persónuskilríki meðferðis og allur áróður á og við kjörstað er óheimill.

Hveragerði 22. apríl 2013
Kjörstjórnin í Hveragerðisbæ.

Framkvæmdir við sundlaugina í Laugaskarði

19. apr 2013

Framkvæmdir við lagningu fráveitulagna að sundlauginni í Laugaskarði eru nú vel á veg komnar. Umfang verksins er nokkru meira en ráð var fyrir gert aðallega vegna mikillar klappar í lagnastæði og erfiðra aðstæðna í stétt framan við sundlaugarhúsið. Stefnt er þó að því að opna sundlaugina aftur laugardaginn 27. apríl nk.
Meðfylgjandi myndir voru teknar í dag, 19. apríl. Þær sýna vel erfiðar aðstæður við sundlaugina.

Fögnum sumri í Hveragerði

18. apr 2013

Sumarkomu hefur ávallt verið fagnað í blómabænum en sú hefð hefur skapast að hafa opið hús í Landbúnaðarháskólanum á Reykjum í Ölfusi á sumardaginn fyrsta þar sem Landbúnaðarháskóli Íslands er með starfsemi sína. Í ár eru það nemendur á garðyrkjubrautum á Reykjum sem standa fyrir hátíðarhöldunum. Almenningi er boðið að heimsækja skólann kl. 10:00 – 18:00 og fjölbreytt dagskrá verður í boði.

NJÁLA FRÁ ÝMSUM HLIÐUM

16. apr 2013

Allir eru velkomnir á fróðlega og skemmtilega dagskrá á Bókasafninu í Hveragerði kl. 20 í kvöld.

Rekstrarúttekt kynnt

16. apr 2013

Næstkomandi fimmtudag, þann 18. apríl kl. 20, mun Haraldur Líndal Haraldsson, rekstrarráðgjafi, kynna helstu niðurstöður úttektar sem gerð hefur verið á rekstri stofnana Hveragerðisbæjar.

Fundurinn verður í sal Grunnskólans í Hveragerði.

Allir velkomnir!