Grunnskólinn í Hveragerði

Skólamörk 6
810 Hveragerði
Sími: 483 4350
Símbréf: 483 5060
Netfang: grunnskoli@hveragerdi.is
Veffang: http://grunnskoli.hveragerdi.is/

Skólastjóri: . Fanney Ásgeirsdóttir.
Staðgengill skólastjóra er Sævar Helgason.

Deildarstjóri yngsta stigs: Sigurbjörg Hafsteinsdóttir
Deildarstjóri miðstigs: Viktoría Sif Kristinsdóttir
Deildarstjóri elsta stigs: Sævar Helgason
Deildarstjóri sérkennslu: Heimir Eyvindarson

Viðtalstímar skólastjóra eru eftir samkomulagi.

Í Grunnskólanum í Hveragerði eru nú um 324 nemendur í 1.-10. bekk. Kennarar við skólann eru 41 og aðrir starfsmenn 25.

Skólahald hófst í Hveragerði árið 1930 þegar þinghús var byggt þar og var kennslan í fyrstu farkennsla. Árið 1937 var stofnaður heimavistarskóli í Hveragerði, en árið 1943 var keyptur skólabíll og síðan hefur skólinn verið fastur heimangöngu- og heimanakstursskóli. Haustið 1947 var núverandi barnaskólahús við Skólamörk tekið í notkun.

Skólanum óx smám saman fiskur um hrygg og hófst kennsla á unglingastigi árið 1946 og miðskólastigi 1947. Árið 1965 var svo stofnaður gagnfræðaskóli og fyrstu gagnfræðingarnir voru útskrifaðir vorið 1966. Gagnfræðaskólinn átti við húsnæðisvanda að glíma og var hann um tíma rekinn á efri hæð byggingar við Sundlaugina í Laugaskarði og síðar í leiguhúsnæði Trésmiðju Hveragerðis við Breiðumörk. Haustið 1988 lauk 1. áfanga viðbyggingar við gamla skólann og sameinuðust barnaskólinn og gagnfræðaskólinn þá í Grunnskólann í Hveragerði.

Síðan hafa verið byggðar við skólabygginguna fjórar kennslustofur, raungreinastofa og tölvuver auk umtalsverðra endurbóta á elstu byggingunni sem helstar fólust í nýju anddyri, heimilisfræðistofu og kennsluhúsnæði fyrir Tónlistarskóla Árnessýslu.

Nánari upplýsingar er að finna á heimasíðu skólans http://grunnskoli.hveragerdi.is/