Fræðslusvið

Hveragerðisbær styður við foreldra og forráðamenn í uppeldishlutverkinu með því að bjóða barnafjölskyldum bestu mögulegu þjónusta í bæjarfélagi þar sem ungt kraftmikið fólk sækist eftir að búa, í umhverfi sem hentar nútíma fjölskyldum. Lögð er áhersla á samfellu í skóla- og tómstundastarfi.

Í Hveragerði eru starfræktir tveir leikskólar, Undraland og Óskaland og einn grunnskóli, Grunnskólinn í Hveragerði. Skólastarf hefur verið blómlegt og sífellt er leitað nýrra leiða til að koma til móts við auknar kröfur samfélagsins. Áhersla hefur verið lögð á að efla samskipti milli skólanna þriggja, þannig að skólahald myndi eina samfellda heild, allt frá barni til unglings. Þessi tilhögun er liður í því að veita barninu þann stuðning sem líklegur er til að efla sjálfsöryggi og námsárangur.

Heimasíða grunnskólans: http://grunnskoli.hveragerdi.is/

Heimasíða Leikskólans Undralands: http://undraland.hveragerdi.is/

Heimasíða Leikskólans Óskalands: http://oskaland.hveragerdi.is/

Frístundaskóli eftir að skóladegi lýkur og gæsluvöllur fyrir yngstu börnin á sumrin er einnig hluti af þjónustu Hveragerðisbæjar við íbúa bæjarins sem og heilsdagssumarnámskeið fyrir yngstu börn grunnskólans.

Hveragerðisbær tekur þátt í rekstri Tónlistarskóla Árnessýslu með öðrum sveitarfélögum í sýslunni og er kennslustöð frá skólanum í Hveragerði.

Heimasíða Tónlistarskóla Árnessýslu: http://www.tonar.is/

Smellið hér til að opna skólastefnu Hveragerðisbæjar.

Smellið hér til að opna viðmiðunarreglur vegna grunnskólanáms utan lögheimilissveitarfélags.

Reglur um útivistartíma barna.

Sumarlokun leikskóla Hveragerðisbæjar 2013.

Óskaland: Leikskólinn verður lokaður vegna sumarleyfis frá 8. júlí til og með 11. ágúst. Mánudaginn 12. ágúst er starfsdagur og opnar leikskólinn þriðjudaginn 13. ágúst.

Undraland: Leikskólinn lokar vegna sumarleyfis frá og með þriðjudeginum 18. júní og opnar aftur þriðjudaginn 23. júlí. Mánudagurinn 22. júlí er starfsdagur starfsfólks.

Athugið! Á meðan að leikskólarnir eru í sumarfríi 2013 er tekið á móti umsóknum um leikskóladvöld á bæjarskrifstofu.