Blómstrandi dagar

BD19 merki:

Blómstrandi dagar 2019

Við bjóðum gesti velkomna á Bæjarhátíðina, Blómstrandi daga, í Hveragerði 15. – 18. ágúst 2019. Bæjarbúar taka virkan þátt í hátíðinni og framboð menningarviðburða hefur aukist ár frá ári jafnt og gestafjöldi. Áhersla er lögð á uppákomur frá fimmtudegi til sunnudags þótt hápunktur hátíðarinnar sé á laugardeginum. Áhugaverðar listsýningar og fjölbreyttir tónlistarviðburðir eru í bænum þessa daga ásamt heilsutengdum atriðum fyrir alla aldurshópa.

Dagskráin er fjölbreytt:

  • Markaðstorg, bílskúrssölur, listsýningar og opnar vinnustofur
  • Fornbílar, söguferðir, brekkusöngur og glæsileg flugeldasýning
  • Flækju leiksýning, Lalli töframaður, Leikhópurinn Lotta og Diskótekið Dísa
  • Jazzband Ómars Einars, Einar Guðjónsson brekkusöngvari, ljósmyndasamkeppni o.fl.
  • Made In Sveitin, 90´s Nostalgía, Herra Hnetusmjör, Ingó Veðurguð og Lay Low
  • Blómagleði með Pétri Erni, Unni Birnu og Sigurgeir Skafta o.fl.
  • Sigga Beinteins, Selma Björns og Svala Björgvins
  • Hljómsveitin Værð, Daði Freyr og Birna
  • Veltibíllinn, Sprell, aparóla, vatnabolti og „Slackline-listin að ganga á línu.
  • Kjörís 50 ára og ísdagurinn, kraftakeppni með Hjalta Úrsus, Blaðrarinn o.fl.

Blómstrandi dagar er fjölskyldu, menningar og heilsuhátíð án áfengis og eru foreldrar hvattir til þess að virða útivistartíma barna og unglinga.

Menningar- íþrótta- og frístundasvið bæjarins hefur umsjón með hátíðinni og er Jóhanna M. Hjartardóttir menningar- og frístundafulltrúi, jmh@hveragerdi.is viðburðastjóri hátíðarinnar.

Sjá dagskrá Blómstrandi daga 2019 hér Dagskrá 2019

Blómastrandi dagar: kort, þjónustuaðilar, markaðstorg, opnar sýningar og vinnustofur Kort 2019

Bæjarbúar leggja hátíðinni lið með því að skreyta sitt hverfi og sinn garð. Mikil stemning hefur líka myndast í kringum bílskúrsmarkaði og gallerí út um allan bæ.

Hér má sjá hverfislitina á korti.

Blómstrandi dagar

Verðlaun verða veitt fyrir fallegustu, frumlegustu og mestu skreytingarnar á laugardagskvöldinu 17. ágúst við brennuna. Einnig verður valin fallegasta gatan og fá vinningshafar grillkjöt frá SS í verðlaun.

Alla helgina verður líf og fjör í bænum fyrir alla fjölskylduna

Fylgist með hátíðinni á Facebook síðu Blómstrandi daga