Menning og listir

Hveragerði býður upp á margvíslega menningarstarfsemi fyrir alla aldurshópa, enda í bæjarfélaginu starfandi fjöldinn allur af félagasamtökum og stofnununum sem tengjast menningu á einn eða annan hátt. Staðsetning bæjarins innan um ósnortna náttúru steinsnar frá höfuðborginni er vel til þess fallin að sækja staðinn heim og njóta þess sem boðið er uppá eða bara taka því rólega í fallegu og afslöppuðu umhverfi.

Listasafn Árnesinga

Menningu og listum hefur verið gert hátt undir höfði í bæjarfélaginu. Listasafn Árnesinga er við Austurmörk. Þar eru reglulega settar upp metnaðarfullar sýningar eftir fremstu listamenn þjóðarinnar auk þess sem í húsinu er notalegt kaffihús.

Garðyrkju- og blómasýningin Blóm í bæ

hefur verið haldin árlega í Hveragerði síðan 2009. Árið 2012 verður sýningin dagana 22. - 24. júní. Nánari upplýsingar birtast síðar.

Menningar- og fjölskylduhátíðin Blómstrandi dagar

er árlegur viðburður og á fastan sess í bæjarlífinu. Fjölbreytt dagskrá við allra hæfi einkennir hátíðina sem hefur orðið viðameiri með hverju árinu. Árið 2012 verður hátíðin 17. - 19. ágúst.

Bókasafnið

Í bókasafni bæjarins og á veitingastöðum bæjarins eru reglulega settar upp hinar fjölbreyttustu sýningar.