Undraljós og ullargos

skrifað 06. mar 2013
_rúna-tetzsch-norðurljósaha_rúna-tetzsch-norðurljósaha

Sýning á myndum, ljóðum og þæfðum ullarverkum verður í Bókasafninu í Hveragerði dagana 2.-23. mars 2013. Það eru mæðgurnar Rúna K. Tetzschner og Kamma Níelsdóttir sem eiga heiðurinn af verkunum fallegu á sýningunni.


Undraljós og ullargos

Sýning á myndum, ljóðum og þæfðum ullarverkum á Bókasafninu í Hveragerði 2.-23. mars 2013

Ljóð, norðurljós, eldgos og glitrandi íshellar eru meðal þess sem má sjá á myndum Rúnu K. Tetzschner á sýningu sem nú er uppi í Bókasafninu í Hveragerði.

Á sýningunni má einnig sjá silkiskreytt ullarsjöl, álfahúfur og ullarskúlptúrar í mynd íslenskra fjalla eftir Kömmu Níelsdóttur.

Mæðgurnar Kamma og Rúna vinna um þessar mundir í listamannahúsinu Varmahlíð í Hveragerði og er þessi skemmtilega sýning haldin í tilefni þess með hlýlegum þökkum til Hveragerðisbæjar og bókasafnsins.

Listakonurnar verða á staðnum og segja frá verkum sínum laugardagana 9., 16. og 23. mars kl. 12-14.

Allir eru velkomnir.

Rúna K. Tetzschner starfar jafnhliða við listir og fræði. Hún á að baki sjö ára nám í Myndlistaskólanum í Reykjavík og íslenskunám við Háskóla Íslands þar sem hún er nú auk þess í M.A. námi í norrænni trú. Rúna hefur starfað á ýmsum söfnum, er höfundur ljóðabóka, barnabóka og fræðibóka og hefur haldið fjölda myndlistarsýninga í Danmörku þar hún hefur dvalið langdvölum síðan 2008. Kamma Níelsdóttir er leikskólakennari að mennt og fv. leikskólastjóri. Í fjölmörg ár rak hún einnig Kömmuskóla í Garðabæ, skapandi myndlistarskóla fyrir yngstu börnin. Síðan 2007 hefur hún sjálf leyft sér þróast sem listamaður og sérhæft sig í þæfðri ull og hönnun á ullarvörum. Kamma hefur einnig sýnt víðs vegar um Danmörku á undanförnum árum.