Þakkir vegna Blóma í bæ

Í upphafi fundar bæjarráðs þann 3. júlí var eftirfarandi bókað:

Öllum þeim sem komu að Garðyrkju- og blómasýningunni Blóm í bæ eru færðar sérstakar þakkir fyrir einstaklega vel unnin störf. Öllum þeim fjölmörgu sem gáfu vörur, þjónustu, gistirými og annað er einnig þakkað þeirra framlag. Samtakamáttur fjölmargra gerir sýningu sem þessa mögulega. Sýningin tókst með eindæmum vel, veðurguðirnir voru okkur hliðhollir og setti það mark sitt á sýningardagana. Allur undirbúningur var í góðum farvegi og erlendir gestir okkar í LandArt verkefni og innlendir sem erlendir blómaskreytar settu sem fyrr ómetanlegan svip á sýninguna. Fyrir þetta allt þakkar bæjarráð af heilum hug.

Hér meðfylgjandi eru nokkrar myndir sem Ösp Vilberg Baldursdóttir tók um helgina.