Sumarlokun leikskóla 2016

skrifað 27. ágú 2015
Frá vorsýningu leikskólans Óskalands. Frá vorsýningu leikskólans Óskalands.

Á fundi bæjarráðs þann 20. ágúst 2015 var samþykkt að að næsta sumar verði leikskólarnir lokaðir í fjórar vikur í stað fimm eins og verið hefur og að ekki verði skörun á lokun þeirra.

Í minnisblaði bæjarstjóra vegna málsins kom eftirfarandi m.a. fram: Undanfarin ár hafa leikskólar Hveragerðisbæjar verið lokaðir á sumrin í fimm vikur hvor og hefur lokunin skarast um tvær vikur. Hefur þessi langa lokun vakið blendnar tilfinningar hjá foreldrum sem margir hverjir eiga ekki svona langt sumarfrí og hefðu líka einnig gjarnan viljað geyma nokkra daga til að nýta í vetrarfríi grunnskólans og/eða á starfsdögum leikskólanna yfir veturinn.