Sumardagurinn fyrsti

skrifað 23. apr 2014
byrjar fyrir 2 dögum
 
Karlakórinn þenur raddböndin á svölum sundlaugarinnarKarlakórinn þenur raddböndin á svölum sundlaugarinnar

Sumri fagnað í Hveragerði Hvergerðingar taka sumrinu fagnandi og bjóða gesti velkomna til bæjarins til að njóta dagskrár sem Landbúnaðarháskólinn á Reykjum á stærstan þátt í. Það er ómissandi partur af vorinu að fagna sumri í Garðyrkjuskólanum og skoða verkefni nemenda og gæða sér á nýuppskornu grænmeti.

Skemmtileg dagskrá verður í Sundlauginni Laugaskarði en þar mun Karlakór Hveragerðis troða upp fyrir sundlaugargesti kl 11 og síðan verður boðið uppá sögugöngu frá sundlauginni kl. 12. Einnig er sumarjóga með Rakel í Skyrgerðinni kl. 12. Þrautabrautin verður opin í sundlauginni eftir hádegi fyrir þá spræku.

Það er tilvalið að skoða Jarðskjálftasýninguna í Sunnumörk og Hveragarðinn til kl. 13 en 10 ár eru í maí síðan að stóri skjálftinn skók Suðurland.

Það er sumarstemning í Listasafni Árnesinga en kl. 16 – 18 verður listasmiðja fyrir alla fjölskylduna og tilvalið að búa til grímur og fugla saman og skoða síðan sýninguna, Undirstaða og uppspretta – sýn á safneign.

Fjölmargir veitingastaðir, kaffihús og þjónustuaðilar eru í bænum sem bjóða gesti velkomna til sín á sumardaginn fyrsta jafnt sem aðra daga.

Sumardagurinn fyrsti bæklingur

Velkomin í Hveragerði

Listasmiðja í Listasafninu fyrir alla fjölskyldunaNjörður sagnfræðingur leiðir sögugöngu frá sundlauginni kl 12