Styrkir til Hveragerðisbæjar

skrifað 13. apr 2016
Þinghúsið og mjólkurbúið mynda heildstæða götumynd við Breiðumörkina og bera upphafi byggðar í Hveragerði fagurt vitni. Þinghúsið og mjólkurbúið mynda heildstæða götumynd við Breiðumörkina og bera upphafi byggðar í Hveragerði fagurt vitni.

Framkvæmdasjóður ferðamannastaða hefur úthlutað Hveragerðisbæ kr. 2.900.000.- til að uppbyggingar í Hveragarðinum. Þar eru áform uppi um gerð goshvers og tilgátuhúss en ef áætlanir ganga eftir mun goshverinn fara að virka uppúr miðjum maí. Það er Árni Páll Árnason, leikmyndahönnuður, sem vinnur að þessu verkefni með Davíð Samúelssyni, ráðgjafa bæjarins. Vonir standa til þess að aðsókn að garðinum muni enn aukast með þessum áformum en gestir á árinu 2015 voru um 22.000 talsins.

Minjastofnun Íslands hefur einnig samþykkt styrk úr húsfriðunarsjóði til Hveragerðisbæjar að upphæð kr 500.000.- til verkþáttarins nýsmíði og viðgerð glugga í Mjólkurbúi Ölfusinga, Breiðamörk 26.

Hveragerðisbær hefur nú eignast Mjólkurbúið að fullu og er því vel við hæfi að þegar verði hafist handa við viðgerðir og endurbætur á þessu sögufræga húsi sem teiknað er af Guðjóni Samúelssyni. Húsið er eitt elsta hús bæjarins, byggt árið 1929, með ríka sögu og tengingu við upphaf byggðar hér í Hveragerði. Samkvæmt fjárhagsáætlun er gert ráð fyrir 10 mkr til viðgerðar utanhúss á húsinu og því er styrkur Minjastofnunar vel þeginn.