Skólamörk opin í sumar

skrifað 11. júl 2013

Bæjarráð samþykkti samhljóða á fundi sínum þann 4. júli að opna Skólamörk nú þegar fyrir umferð. Bókun bæjarráðs var svohljóðandi.

Bæjarráð samþykkir að Skólamörk verði opin fyrir umferð á sumrin frá 15. júní til 15. ágúst.

Forsaga málsins er sú að á fundi sínum í janúar sl. ákvað bæjarstjórn að loka Skólamörk að hluta til fyrir almennri umferð frá og með 1. febrúar 2013, í samræmi við stefnumörkun í aðalskipulagi Hveragerðis 2005-2017. Þessi ákvörðun var tekin með það fyrir augum að auka umferðaröryggi við Grunnskólann.

Þónokkrar ábendingar og tilmæli hafa borist bæjarskrifstofu vegna þessa og þá sérstaklega hvort að mögulegt sé að gatan sé opin yfir sumarið þegar skólastarf er ekki í gangi. Nú hefur verið komið til móts við sjónarmið þeirra sem vilja hafa götuna opna fyrir umferð á sumrin án þess að það komi niður á þeim öryggissjónarmiðum sem lokunin byggði á.