Samningur um endurvinnslukortið

skrifað 07. apr 2015
EndurvinnslukortiðEndurvinnslukortið

Hveragerðisbær hefur gengið frá samkomulagi við Náttúran.is um Endurvinnslukortið og erum við fjórða sveitarfélagið sem gengur inn í samstarfið og það fyrsta á Suðurlandi.

Tilgangur Endurvinnslukortsins er að að fræða almenning um endurvinnslu, hvetja fólk til að taka þátt í því að minnka það magn sorps sem fer óflokkað í heimilistunnuna og gefa eins fullkomið yfirlit og mögulegt er yfir hvar á landinu sé tekið við hverjum endurvinnsluflokki.

Endurvinnslukortið hefur tekið á sig nýja mynd, með fjölda nýrra þjónustuliða en öllum sveitarfélögum landsins býðst að gerast samstarfsaðilar að verkefninu og veita íbúum sínum þannig aukna þjónustu með eigin Endurvinnslukorti á heimasíðu sveitarfélagsins.

Takmarkið er að öll sveitarfélög á landinu taki þátt í samstarfinu þannig að allir, bæði íbúar og ferðamenn, innlendir og erlendir, hafi aðgang að ítarlegum og samræmdum upplýsingum, hvar svo sem þeir eru staddir á landinu hverju sinni. Á síðastliðnum 7 árum hefur Náttúran.is staðið að þróun Endurvinnslukorts bæði í vef- og app-útgáfu.

Endurvinnslukort sveitarfélaganna fela í sér eftirfarandi þjónustu:

  • Skilgreiningu á endurvinnslumöguleikum og sorpþjónusta svæðisins s.s.; tunnum, lúgum, mótttökustöðvum og endurvinnsluflokkum.
  • Sorphirðudagatal tengt heimilisfangi persónu eða fyrirtæki sem síðan tengist þjónustusvæði með leiðarbestun að næstu móttökustöð og dagréttum veðurviðvörunum á leiðum.
  • Áskrift að iCal og Google dagatölum Endurvinnslukortsins með tilkynningum og viðvörunum til að tengja í síma og tölvur.
  • Spurt og svarað samskiptakerfi.
  • Þjónustusíma
  • Tengingu við ítarefni á Endurvinnslukortinu yfir allt landið.
  • Efni á íslensku og ensku.

SkoðaEndurvinnslukort Hveragerðisbæjar

Á myndinni má sjá hvar Aldís Hafsteinsdóttir bæjarstjóri Hveragerðisbæjar og Guðrún Tryggvadóttir framkvæmdastjóri Náttúran.is handsala samninginn um Endurvinnslukortið undir vökulum augum Ara Eggertssonar umhverfisfulltrúa Hveragerðisbæjar.