Samningur gerður við foreldra

skrifað 10. des 2012
Frá undirritun samnings við foreldrafélag Grunnskólans.Frá undirritun samnings við foreldrafélag Grunnskólans.

Samningur milli Hveragerðisbæjar og Foreldrafélags Grunnskólans var undirritaður nýverið. Í samningnum er kveðið á um framlag Hveragerðisbæjar til félagsins sem árlega nemur 350 þúsund krónum.


Samningur milli Hveragerðisbæjar og Foreldrafélags Grunnskólans var undirritaður nýverið. Í samningnum er kveðið á um framlag Hveragerðisbæjar til félagsins sem árlega nemur 350 þúsund krónum. Ennfremur er gerð grein fyrir því framlagi sem á móti styrknum kemur frá Foreldrafélaginu sem meðal annars sér um fræðslu og fyrirlestra, um barna- og unglingaskemmtun á öskudegi, jólaföndur á aðventunni og um foreldrarölt í ákveðinn tíma á ári.

Það er von bæjaryfirvalda að með þessum samningi verði starf félagsins öflugt og skólasamfélaginu öllu til hagsbóta.

Á myndinni má sjá bæjarstjóra ásamt Berglindi Kristinsdóttur, formanni félagsins undirrita samninginn. Með þeim eru þau Thelma Kristinsdóttir og Úlfur Óskarssson, stjórnarmenn.