Samningur gerður við Foreldrafélag leikskólanna

skrifað 10. nóv 2017
Bæjarstjóri ásamt formanni Foreldrafélags leikskólanna Undralands og Óskalands og dóttur hennar Berglindi Maríu. Bæjarstjóri ásamt formanni Foreldrafélags leikskólanna Undralands og Óskalands og dóttur hennar Berglindi Maríu.

Undirritaður hefur verið samningur milli Foreldrafélags leikskólanna Undralands og Óskalands. Samningnum er ætlað að efla samstarf bæjaryfirvalda í Hveragerðisbæ og Foreldrafélags leikskólanna og tryggja öflugt æskulýðs- og forvarnarstarf fyrir börn í Hveragerði samkvæmt stefnu bæjaryfirvalda þar um.

Í samningnum er gert ráð fyrir að félagið skipuleggi vor/sumarhátíð, útskriftarferð 5 ára barna, myndatöku ár hvert og aðra viðburði í samráði við leikskólastjóra Undralands og Óskalands. Eitt stærsta verkefni félagsins er að árlega hefur félagið gefið öllum börnum á leikskólum bæjarins bókagjöf á degi íslenskrar tungu

Hlutverk bæjarins er að sjá um innheimtu félagsgjalda félaginu að kostnaðarlausu en auk þess greiðir bæjarfélagið félaginu rúmlega 800 þúsund á samningstímabilinu.

Á myndinni má sjá Droplaugu Guttormsdóttur, formann félagsins, ásamt dóttur sinni, Berglindi Maríu, og bæjarstjóra við undirritunina.