Sævar Þór ráðinn skólastjóri GíH

skrifað 02. jún 2016
Sævar Þór HelgasonSævar Þór Helgason

Bæjarstjórn samþykkti samhljóða á fundi sínum í morgun að ráða Sævar Þór Helgason sem skólastjóra Grunnskólans í Hveragerði. Mun hann hefja störf 1. ágúst 2016.


Bæjarstjórn samþykkti samhljóða á fundi sínum í morgun að ráða Sævar Þór Helgason sem skólastjóra Grunnskólans í Hveragerði (GíH) til þriggja ára.

Sævar Þór hefur verið kennari við GíH um árabil en jafnframt gegnt þar stöðum deildarstjóra, stigstjóra og nú síðast aðstoðarskólastjóra við skólann.

Sævar er grunnskólakennari að mennt með meistaragráðu í stjórnun menntastofnana.

Sævari Þór óskum við velfarnaðar í nýju starfi um leið og Fanneyju Ásgeirsdóttur, fráfarandi skólastjóra, eru þökkuð góð störf í þágu barna og ungmenna í Hveragerði.

Bæjarstjóri