Plastlaus september

skrifað 08. sep 2017
byrjar 30. sep 2017
 
Plastlaus september

Hveragerðisbær vill minna íbúa á að nú stendur yfir plastlaus september. Þessu átaki er ætlað að hvetja til minni plastnotkunar og vekja almenning til umhugsunar um skaðsemi plasts í náttúrunni, og þá sérstaklega einnota plasts.

Plastlaus september Plast er samheiti yfir ýmsar fjölliður sem framleiddar eru af manninum, að mestu úr olíu en koma ekki fyrir náttúrulega. Vegna þess að þessi efni finnast ekki í náttúrunni er þar heldur ekki niðurbrotsferlar til staðar sem eyða þeim. Þetta leiðir til þess að plast eyðist afar hægt og jafnvel nánast ekki. Plastið safnast því fyrir í náttúrunni þar sem það getur valdið lífverum ýmsum skaða.

Plastlaus september Það er því mikilvægt að minnka það plast sem berst út í náttúrunna sem mest og ein besta leiðinn til þess er að draga úr notkun eins og mögulegt er. Hveragerðisbær stefnir einnig á það að draga úr notkun plastpoka og helst að losna alveg við þá úr bæjarfélaginu, því er nú gott tækifæri til að slá tvær flugur í einu höggi með því að taka þátt í átakinu og á sama tíma að minnka bæði plastpokanotkun og aðra plastnotkun í Hveragerði og þar með stuðla að hreinna, umhverfisvænna og betra samfélagi.

Allir eru hvattir til að kynna sér heimasíðu átaksins plastlaus september á heimasíðu verkefnisins: hér!

Umhverfisfulltrúi