Nýtt húsnæði fyrir frístundaskólann

skrifað 12. feb 2014
Daði, Sveinn og Sölvi vinna nú við endurbætur á húsnæðinu. Daði, Sveinn og Sölvi vinna nú við endurbætur á húsnæðinu.

Frístundaskólinn mun innan tíðar flytjast um set þegar húsnæðið að Þórsmörk 1A verður tekið í notkun. Hveragerðisbær keypti húsnæðið fyrir 22 mkr í byrjun janúar og nú vinnur hópur iðnaðarmanna hörðum höndum að því að gera húsnæðið þannig úr garði að það henti starfsemi frístundaskólans. Verið er að lagfæra rafmagn og lýsingu, múrviðgerðir og málun er í fullum gangi og í byrjun næstu viku verður hafist handa við að lagfæra lóðina og tengja hana við lóð hins hússins sem hýsa mun Frístundaskólann við Fljótsmörk. Með þessari breytingu standa vonir til þess að starfsemin verði skilvirkari og að möguleikar á skemmtilegu starfi eftir skólatíma muni aukast til muna.

Á meðfylgjandi myndum má sjá hvernig framkvæmdum miðar áfram.

Þrjú herbergi eru í húsinu sem nýtast munu vel m.a. til hópavinnu. Tvær samliggjandi stofur eru bjartar og skemmtilegar.