Lionsklúbburinn gefur tvö hjartastuðtæki

skrifað 05. des 2013
Rögnvaldur Pálmason afhenti Eyþóri H. Ólafssyni, formanni menningar- íþrótta og frístundanefndar hjartastuðtækinRögnvaldur Pálmason afhenti Eyþóri H. Ólafssyni, formanni menningar- íþrótta og frístundanefndar hjartastuðtækin

Lionsklúbbur Hveragerðis afhenti nýverið tvö hjartastuðtæki sem verða til staðar í Hamarshöll og íþróttahúsinu Skólamörk. Hjartastuðtækin eru sjálfvirk, auðveld í notkun og íslenskt tal leiðbeinir jafnvel óreyndasta notanda gegnum endurlífgunarferilinn.

Allir starfsmenn íþróttamannvirkja munu fá þjálfun um notkun tækjanna. Þetta er rausnarleg gjöf og veitir mikið öryggi þeirra sem heimsækja íþróttamannvirki bæjarins en fyrir nokkrum árum gaf Lionsklúbburinn Sundlauginni Laugaskarði slíkt tæki.

Hveragerðisbær þakkar höfðinglega gjöf.

Hjartastuðtækin munu veita mikið öryggi