Jólatréð komið á miðbæjartorgið

Nú er verið að vinna við uppsetningu jólatrésins á miðbæjartorginu en ljósin verða tendruð við hátíðlega athöfn á fyrsta sunnudegi í aðventu 27. nóvember næstkomandi.

Jólasveinarnir taka forskot á sæluna og mæta úr Reykjafjalli en heyrst hefur að þeir hafi fengið sérstakt bæjarleyfi hjá Grýlu. Skátarnir bjóða uppá kakó og tendra eld við skátaheimilið sem stendur við torgið.

Það er von okkar að sem flestir mæti og taki þátt í gleðinni.