Gleðilega jólahátíð - njótum bæjarins okkar

Bæjarstjórn og starfsmenn Hveragerðisbæjar senda sínar bestu óskir um gleðilega jólahátíð, frið og farsæld á komandi ári. Þökkum ánægjulegt samstarf og skemmtilegar samverustundir á árinu sem nú er að líða.

Bæjarstjórn og starfsmenn Hveragerðisbæjar senda sínar bestu óskir um gleðilega jólahátíð, frið og farsæld á komandi ári. Þökkum ánægjulegt samstarf og skemmtilegar samverustundir á árinu sem nú er að líða.

Um leið hvetjum við alla til að nýta hátíðisdagana til að skoða jólaagatals gluggana sem fyrirtæki og stofnanir hafa sett upp. Þeir eru jafn fjölbreyttir og þeir eru margir en í þeim öllum er falinn einn bókstafur og saman mynda þeir setningu tengda jólum. Lausnum skal skilað á bæjarskrifstofuna og einhverjir heppnir hljóta glaðning.

Það er ekki síður skemmtilegt að fara um bæinn okkar til að skoða jólaljósin en bæjarbúar hafa svo sannarlega skreytt bæði hús og garða og víða má sjá skrautlegar og fallegar skreytingar. Vinningshafar í jólaskreytikeppni Róberts Guðmundssonar voru:

1. sæti Hraunbær 6 - Haraldur Guðmundsson og Sigurbjörg Þorsteinsdóttir 2. sæti Heiðarbrún 63 - Örn Norðdal og Elísabet Þorgeirsdóttir 3. sæti Varmahlíð 15 - Smári Traustason og Sigfríður Sigurgeirsdóttir.

Hótel Örk fékk síðan viðurkenningu fyrir að vera best skreytta fyrirtækið.

Aldís Hafsteinsdóttir