Jarðskjálftar við Húsmúla

skrifað 19. sep 2016

Yfirferð jarðvísindafólks Veðurstofu Íslands á gögnum um skjálftahrinuna við Húsmúla síðustu daga gefur til kynna að hún tengist niðurdælingu frá Hellisheiðarvirkjun. Þótt niðurdæling sé stöðug og jöfn þá kunni spennubreytingar sem orðið hafi í jarðskorpunni á svæðinu að hafa breytt áhrifum niðurdælingarinnar.


Upplýsingar af vef ON vegna jarðskjálfta við Húsmúla að undanförnu.

Vegna skjálftahrinu við Húsmúla - uppfært 20. september

Yfirferð jarðvísindafólks Veðurstofu Íslands á gögnum um skjálftahrinuna við Húsmúla síðustu daga gefur til kynna að hún tengist niðurdælingu frá Hellisheiðarvirkjun. Þótt niðurdæling sé stöðug og jöfn þá kunni spennubreytingar sem orðið hafi í jarðskorpunni á svæðinu að hafa breytt áhrifum niðurdælingarinnar.

Vísinda- og tæknifólk Orku náttúrunnar og Orkuveitu Reykjavíkur mun fara yfir þessar ályktanir sérfræðinga Veðurstofunnar með þeim og fleiri vísindamönnum. Markmiðið er að finna út hvort ástæða er til breytinga á verklagi við niðurdælinguna og þá hvaða breytinga. Henni hefur verið haldið stöðugri frá því áður en hrinan hófst en reynslan sýnir að snöggar breytingar á henni geta valdið skjálftum. Breytingar á niðurdælingu eru því ekki ráðgerðar að svo stöddu. Áfram verður upplýst um gang þeirrar vísindalegu greiningarvinnu sem stendur yfir.


Vegna skjálftahrinu sem var við Húsmúli á Hengilssvæðinu síðast liðna helgi þykir rétt að benda á frétt á heimasíðu Orku náttúrunnar vegna málsins hér