Hugarflug og hugmyndir

skrifað 09. maí 2012
HeimskaffiHeimskaffi

Fjöldi hugmynda fæddist á hugarflugsfundi bæjarbúa í gærkvöldi þar sem rætt var um hátíðir og uppákomur hér í Hveragerði. Sérstaklega var fjallað um Blómstrandi daga og Garðyrkju- og blómasýninguna Blóm í bæ en einnig var farið vítt og breitt yfir svið annarra hátíða.

Um 30 manns mætti á fundinn og var hópnum skipt á fimm borð sem öll fjölluðu um sömu lykispurningarnar. Var greinilegt á hlátrasköllum og orðaskiptum að fólk skemmti sér hið besta. Sérstaklega ánægjulegt var að á fundinn mætti hópur ungmenna frá félagsmiðstöðinni sem tók virkan þátt í fundinum og kom með fjölmargar gagnlegar ábendingar.

Nú er það verkefni næstu vikna og missera að vinna úr þeim gagnabanka sem þarna varð til.

Ef bæjarbúar luma á fleiri hugmyndum eða tillögum endilega sendið þær annað hvort til bæjarstjóra aldis@hveragerdi.is eða til menningar og frístundafulltrúa jmh@hveragerdi.is.

Á meðfylgjandi mynd má sjá hópinn sem tók þátt í fundinum en þeim er hér með þakkað kærlega fyrir þátttökuna og þeirra framlag til betra bæjarfélags.