Hjólabrettasvæði samþykkt af bæjarstjórn

skrifað 16. jún 2016

Bæjarstjórn samþykkti á hátíðarfundi sínum þann 9. júní s.l. að sett verði upp aðstaða til hjólabrettaiðkunar á lóð Grunnskólans í Hveragerði.


Bæjarstjórn samþykkti á hátíðarfundi sínum þann 9. júní s.l. að sett verði upp aðstaða til hjólabrettaiðkunar á lóð Grunnskólans í Hveragerði.

Í nokkur ár hefur hópur ungmenna sótt það fast að komið verði upp aðstöðu til að hægt sé að iðka þetta vinsæla sport hér í Hveragerði.

Nú mun draumur þeirra verða að veruleika en gert er ráð fyrir að svæðið verði sett upp við hliðina á handboltavellinum á skólalóðinni.

Í minnisblaði menningar- og frístundafulltrúa kemur fram að verkefnið verði kærkomin viðbót við heilsusamlegt líferni almenninga og gefur um leið fólki sem stundar bretta og hjólaíþróttir tækifæri á aðstöðu innan bæjarmarka.

Stefnt er að því að svæðið verði komið upp fyrir Blómstrandi daga síðsumars og að þá geti áhugasamir leikið listir sínar á svæðinu.

Kostnaður við verkefnið mun nema rúmum 4 mkr en brettasvæðið mun koma frá fyrirtækinu Rhino ramps.