Framkvæmdir hefjast við Hamarshöll

skrifað 08. mar 2019
Bílaplan við Hamarshöll

Framkvæmdir munu hefjast við frágang bílaplans við Hamarshöllina á næstu dögum en samningur um framkvæmdina var undirritaður þann 8. mars s.l.

Það er fyrirtækið Arnon ehf, Guðmundur Sigfússon, sem sér um framkvæmdina en hún felst í jarðvegsskiptum, malbikun, lagningu gangstétta og uppsetningu lýsingar á hluta bílaplansins. Aron ehf var lægst í útboði þar sem tíu aðilar skiluðu tilboðum en fyrirtækið bauð kr. 32.526.423,- í verkið.

Að sögn verktaka mun hann hefjast handa innan skamms en verklok eru áætluð um miðjan júlí.

Á myndinni má sjá Guðmund Sigfússon, Jón Friðrik Matthíasson, bygginga- og mannvirkjafulltrúa Hveragerðisbæjar og Höskuld Þorbjarnarson, umhverfisfulltrúa Hveragerðisbæjar.