Forstöðumaður frístundamiðstöðvarinnar Bungubrekku

skrifað 09. okt 2018
byrjar 24. okt 2018
 

Óskað er eftir drífandi, hugmyndaríkum og ábyrgum einstaklingi í 100% starf til að leiða starf barna og unglinga í Hveragerði.

Í starfinu felst eftirfarandi: Hafa yfirumsjón með starfsemi í Bungubrekku, http://bungubrekka.hveragerdi.is/
Þátttaka í stefnumótun til framtíðar í málaflokknum og að leiða uppbyggingu og skipulagningu.

Í Bungubrekku er:
* Frístundaheimili grunnskólans, Skólasel. Þar er veitt þjónusta fyrir börn í 1.-4. bekk eftir að skóla lýkur á daginn. Hlutverk frístundaheimilis er að bjóða uppá skapandi umhverfi þar sem starfshættir einkennast af frjálsum leik og vali.
* Félagsmiðstöðin Skjálftaskjól. Í félagsmiðstöðinni er boðið upp á félagsstarf fyrir börn og unglinga á aldrinum 10-16 ára í frítíma þeirra. Lögð er áhersla á að ná til sem flestra og bjóða upp á fjölbreytt viðfangsefni. Félagsmiðstöðin er opin þrisvar í viku.
* Íþrótta- og ævintýranámskeið. Á sumrin er boðið upp á heilsdagsnámskeið fyrir 5-11 ára börn þar sem áhersla er lögð á hreyfingu, sköpun og útiveru.
* Gæsluvöllur fyrir 2-5 ára börn yfir sumarið.

Hæfniskröfur:
Háskólapróf á sviði tómstunda- og félagsmálafræði, uppeldismenntun eða sambærileg menntun er æskileg.
Reynsla af stjórnun æskileg.
Reynsla af starfi með börnum og /eða unglingum er skilyrði.
Skipulögð, sjálfstæð og fagleg vinnubrögð ásamt framúrskarandi samskiptahæfni er skilyrði.

Almenn tölvukunnátta er skilyrði. Umsækjandi þarf að skila inn sakavottorði í samræmi við lög og reglur Hveragerðisbæjar.

Frekari upplýsingar um starfið veitir Sævar Þór Helgason, skólastjóri Grunnskólans í Hveragerði í síma 660-3906, saevar@hveragerdi.is og Jóhanna Margrét Hjartardóttir, menningar-og frístundafulltrúi í síma 660-3911, jmh@hveragerdi.is

Umsóknir sendist til Hveragerðisbæjar, Breiðumörk 20, 810 Hveragerði fyrir 24. október 2018.