Fjölsóttur foreldrafundur

skrifað 18. feb 2019
Sigga_Dögg_kynningSigga_Dögg_kynning

Fjöldi foreldra og forráðamanna barna við Grunnskólann í Hveragerði sóttu áhugaverða fyrirlestra um kynheilbrigði og kynheilbrigði.


Í vetur hefur Heilsueflingarhópur Grunnskólans í Hveragerði unnið með og lagt áherslu á lífsleikni. Hópurinn vill efla foreldrasamstarf og stóð fyrir vel heppnuðum súpufundi þriðjudaginn 12. febrúar. Á fundinn kom Sigga Dögg kynfræðingur og fjallaði um kynheilbrigði og Hugrún Vignisdóttir sálfræðingur var með fræðslu um kynhlutverkin. Báðar höfðu þær komið áður og hitt nemendur á elsta stigi með svipaða fræðslu. Súpufundurinn var ákaflega vel sóttur og þökkum við foreldrum fyrir komuna.

Á myndinni má sjá Siggu Dögg flytja erindi sitt.