Eden lóðin á forræði Hveragerðisbæjar

skrifað 22. sep 2015
Loftmynd af Austurmörk 25 fyrir brunann árið 2011.Loftmynd af Austurmörk 25 fyrir brunann árið 2011.

Hveragerðisbær hefur keypt lóðarréttindi Landsbankans á Edenlóðinni svokölluðu.

Lagður var fram kaupsamningur og afsal vegna kaupa Hveragerðisbæjar á lóðarréttindum að Austurmörk 25 af Landsbankanum hf. á fundi bæjarstjórnar þann 10. september síðastliðinn.

Eins og glöggir lesendur átta sig á er hér um Eden lóðina svokölluðu að ræða og er kaupverð hennar 10 mkr.

Það er mikið ánægjuefni að lóðin skuli héðan í frá vera á forræði Hveragerðisbæjar sem þar með getur unnið að skipulagi hennar í samræmi við stefnumörkun bæjarins.

Aldís Hafsteinsdóttir
Bæjarstjóri.