Eyþór forseti - Unnur formaður

skrifað 19. jún 2014

Eyþór H. Ólafsson var kjörinn forseti bæjarstjórnar á fyrsta fundi nýkjörinnar bæjarstjórnar Hveragerðisbæjar sem haldinn var þann 18. júní sl. Varaforseti var kjörin Ninna Sif Svavarsdóttir og Unnur Þormóðsdóttir var kosin formaður bæjarráðs.

Á fundinum var einnig samþykkt að ganga til samninga við Aldísi Hafsteinsdóttur um starf bæjarstjóra.

Þrír nýir bæjarfulltrúar taka nú til starfa í bæjarstjórn Hveragerðisbæjar, Njörður Sigurðsson og Viktoría Sif Kristinsdóttir af S-lista og Garðar R. Árnason af B-lista og voru þeir sérstaklega boðnir velkomnir á fundinum.

Skipað var í nefndir og ráð og eftirtaldir eru formenn helstu nefnda:

  • Formaður fræðslunefndar er Þórhallur Einisson.
  • Formaður skipulags- og mannvirkjanefndar er Eyþór H. Ólafsson.
  • Formaður umhverfisnefndar er Unnur Þormóðsdóttir.
  • Formaður menningar, íþrótta- og frístundanefndar er Ninna Sif Svavarsdóttir .
  • Formaður kjörstjórnar er Inga Lóa Hannesdóttir.

Fundargerð fyrsta fundar má sjá í meðfylgjandi skjali.