Bæjarskrifstofan sigraði í Allir lesa

skrifað 28. nóv 2014
Lestrarhestarnir gáfu sér varla tíma í myndatöku eftir að verðlaunin komu í hús. Lestrarhestarnir gáfu sér varla tíma í myndatöku eftir að verðlaunin komu í hús.

Bæjarskrifstofur Hveragerðisbæjar sigruðu í vinnustaðakeppni 3 – 9 starfsmenn í landsleiknum, Allir Lesa 2014.

6 starfsmenn bæjarins voru í liðinu og var meðalfjöldi lesinna mínútna á mann 2 klst, 21 mínúta og 16 sekúndur.

Landsleikurinn ALLIR LESA fór fram í fyrsta sinn 17. október til 16. nóvember 2014 og lauk honum á degi íslenskrar tungu. Miðstöð íslenskra bókmennta og Reykjavík Bókmenntaborg UNESCO stóðu saman að þessum nýja og spennandi landsleik í lestri.

Í leshópnum voru: Heiða Guðnadóttir,Katrín Hjálmarsdóttir, Þórdís Magnúsdóttir, Jóhanna M. Hjartardóttir, Ari Eggertsson og Helga Kristjánsdóttir.