Samkomulag um akstur skólabarna í Hamarshöll

skrifað 23. sep 2014
Aldís Hafsteinsdóttir bæjarstjóri og Bjarki Freyr Jóhannesson forstjóri Landferða.Aldís Hafsteinsdóttir bæjarstjóri og Bjarki Freyr Jóhannesson forstjóri Landferða.

Hveragerðisbær og Landferðir hafa gert samkomulag um akstur í Hamarshöll frá Íþróttahúsinu Skólamörk á opnunartíma Skólasels frá kl. 12:50 – 15:30 virka daga 3 – 4 ferðir á dag.

Aksturinn skapar betri nýtingu í íþróttahúsum bæjarins og samfellu skóla og íþróttaæfinga hjá yngri grunnskólabörnum þannig að þau séu búin á íþróttaæfingum fyrir kl. 17 á daginn í flestum tilfellum. Síðastliðinn vetur voru ferðir með börn úr 1. og 2. bekk en nú í vetur eiga börn í 1. – 4 . bekk kost á að fara með rútunni. Góð samvinna var við íþróttafélagið Hamar um skipulag íþróttaæfinga og aksturs til að allt gengi sem best fyrir sig.