Jón Ingi Sigurmundsson sýnir í Eden

skrifað 18. maí 2011

Jón Ingi Sigurmundsson er Sunnlendingum að góðu kunnur en hann hefur sinnt listalífi bæði sem kórstjóri og myndlistarmaður í áratugi. Hann mun opna myndlistarsýningu í Eden fimmtudaginn 19.maí kl.20.30. Allir eru hartanlega velkomnir á opnunina. Myndir á sýningunni eru aðallega landslag, götumyndir, blóm og abstraktmálverk. Jón Ingi hlaut nýverið menningarviðurkenningu Árborgar og var hann vel að þeim heiðri kominn. Sýningin verður í Eden frá 19. maí til 13. júní. Áhugasamir eru hvattir til að láta ekki þennan viðburð framhjá sér fara.