Vilt þú starfa með öflugri hjálparsveit

skrifað 05. okt 2010

Nýliðakynning Hjálparsveitar Skáta Hveragerði 6. október 2010 kl. 20:00 Hefur þú áhuga á klifra upp á fjöll í brjáluðu veðri? Hefur þú áhuga á að hjálpa öðrum? Hefur þú áhuga á útivist? Hefur áhuga á jöklaferðum? Ísklifri? Flugeldasýningum? Fyrstu hjálp? Fjallgöngum? Skálaferðum? Viltu vera hluti af fjölbreyttum hópi sem deilir þessum sameiginlegu áhugamálum? Ef svo er gætir þú átt erindi í Hjálparsveit Skáta Hveragerði. Nýliðakynning Hjálparsveitar Skáta Hveragerðis verður haldin í húsi sveitarinnar að Austurmörk 9 miðvikudagskvöldið næstkomandi kl. 20:00. Hjálparsveitin skorar á allla 16 ára og eldri til að mæta og taka þátt í starfi sveitarinnar. Hjálparsveit Skáta Hveragerði var stofnuð 23. september 1975 og hefur því starfað í 35 ár en tilgangur HSSH er að vinna að björgun manna og/eða verðmæta og veita hvers konar aðstoð í neyðartilvikum, þar sem tæki og þekking HSSH getur komið að notum, og taka þátt í skipulögðu almannavarnarstarfi. Starf sveitarinnar er þó langt frá því að einskorðast við björgunarstörf við krefjandi aðstæður, heldur er það staðreynd að svona félagsskapur getur ekki starfað án þess að hafa gott bakland. Þannig að við erum ekki bara að leita eftir fólki til að standa í fremstu víglínunni heldur vantar okkur líka fólk til að starfa á bak við tjöldin með okkur. Vonumst til að sjá sem flesta Stjórn Hjálparsveitar skáta Hveragerði