Frétt frá knattspyrnudeild Hamars.

skrifað 09. sep 2010
Laugardaginn 4. september s.l. var fótboltahátíð hjá knattspyrnudeild Hamars. Rennt var yfir hápunkta sumarsins, leikmannasamningar voru undirritaðir við efnilega leikmenn 3. flokks, nýir þjálfarar voru kynntir til sögunnar og nýrri æfingatöflu var dreift. Að því loknu var öllum iðkendum og foreldrum þeirra boðið í grillveislu og svo á hinn mikilvæga leik Hamars og KV, sem Hamar vann og tryggði þar með endanlega sæti sitt í 2. deild á næsta keppnistímabili.
2. flokkur Hamars í knattspyrnu tekur svo formlega til starfa n.k. mánudag 13. september með æfingu á Hamarsvelli kl. 17:30. Á myndinni sjást nokkrir efnilegir leikmenn skrifa undir KSÍ samninga við félagið.

Bestu kveðjur, Óli Jó