Íslenski safnadagurinn 11. júlí 2010 í Listasafni Árnesinga

skrifað 09. júl 2010
Fjölskylduleikur allan daginn
Leiðsögn og sýningarspjall kl. 15
Til þess að vekja athygli á fjölbreyttri safnastarfsemi í landinu hefur annar sunnudagur í júlí verið tilnefndur íslenski safnadagurinn og áherslan lögð á söfnin sem vænlegan áfangastað fyrir fjölskylduna. Listasafn Árnesinga tekur þátt í íslenska safnadeginum og býður fjölskyldunni að glíma við léttar þrautir á núverandi sýningu:
AÐ ÞEKKJAST ÞEKKINGUNA
Klukkan þrjú verjur jafnframt boðið upp á leiðsögn og sýningarspjall í fylgd Ingu Jónsdóttur safnstjóra. Hún mun ræða um verkin og hvetja gesti til samræðu um þau. Á sýningunni má sjá verk 15 samtímalistamanna sem allir takast á við samtímaviðfangsefni. Þeir nálgast viðfangsefnið á margslungna vegu og verkin fjalla í senn um miðlun þekkingar og aðgengi að henni, aðferðafræði myndlistarmannsins við þekkingarsköpun sem og eðli og mismunandi tegundir þekkingar í samfélaginu.

Nánari upplýsingar á [www.listasafnarnesinga.is][1] [1]: http://www.listasafnarnesinga.is/