Blómstrandi dagar verða haldnir í Hveragerði 14. - 17. ágúst

skrifað 05. ágú 2008

Í tilefni af Blómstrandi dögum verður bænum skipt upp í þrjú hverfi, hvert hverfi hefur sinn lit, bláan, rauðan eða bleikan lit og eru allir bæjarbúar hvattir til að taka þátt með því að skreyta húsið sitt, garðinn sinn og jafnvel bílinn sinn með tilheyrandi lit, td. með því að setja upp fána, ljósaséríur og blöðrur og klæðast svo sínum lit að einhverju leyti á Blómstrandi dögum og sérstaklega í brekkusöngnum á Fossflötinni.

Sjá meðfylgjandi kort af Hveragerðisbæ.

Um er að ræða fjölbreytta dagskrá: Leiksýning, listsýningar, hundasýning, fjölskylduskemmtun, sundlaugapartý, tónleikar, Á móti sól, Megas og Senuþjófarnir, Ingó Idol, atriði úr Abbabbabb, hljómsveitirnar HúrríGúrrí og Hitakútur, kajaksiglingar, markaðstorg, hoppukastalar, leiktæki, grillveisla og markaður.

Á föstudagskvöldið verður Tónlistarklúbbur Hveragerðis með sérstaka heiðurs- og minningartónleika um Bergþóru Árnadóttur, flytjendur m.a. Pálmi Gunnarsson, Labbi, Gummi Ben, Magnús Þór, Hara-systur og fleiri.

Hámark hátíðarinnar er á laugardagskvöldinu en þá er brekkusöngur sem endar með flugeldasýningu og síðan dansleik í íþróttahúsinu með hljómsveitinni Á móti sól.

Þeir sem vilja mæta á markaðinn vinsamlega sendið póst á blomstrandidagar@hveragerdi.is

Dagskrá er á www.blomstrandidagar.is
HVAÐA GATA EÐA HVERFI Í HVERAGERÐI VERÐUR FLOTTAST???