Trjálundur til heiðurs Vigdísi Finnbogadóttur

skrifað 19. jún 2015
Vigdís FinnbogadóttirVigdís Finnbogadóttir

Bæjarráð hefur samþykkt að taka þátt í verkefni Skógræktarfélags Íslands en þar eru sveitarfélög hvött til að standa sameiginlega með skógræktarfélögum landsins að gróðursetningu trjáplantna laugardaginn 27. júní nk. til heiðurs Vigdísi Finnbogadóttur í tilefni þess að 35 ár eru liðin frá því að hún var kjörin í embætti forseta Íslands, fyrst kvenna í heiminum sem þjóðkjörinn forseti.

Hefur verið ákveðið að trén myndi grunn að sérstökum trjálundi til heiðurs Vigdísi Finnbogadóttur.

Verður lundurinn staðsettur í Smágörðunum og mun gróðursetning fara fram á Blómum í bæ, föstudaginn 26. júní kl. 17.