Vel sótt jólagleði Lionsklúbbanna í Hvergerði

skrifað 12. jan 2015
byrjar 12. jan 2015
 
Jólaball LionsJólaball Lions

Jóladansleikur Lionsklúbbs Hveragerðis og Lkl. Edens fyrir börn í Hveragerði og nágrenni fór fram á Hótel Örk kl 14.00 þann 26. desember s.l. eða annan dag Jóla.

Var dansleikurinn vel sóttur en ríflega 350 manns og barna sóttu hann. Hljómsveit lék fyrir dansi, Jólasveinar mættu og dönsuðu með börnunum kringum jólatréð og færðu þeim svo smágjafir. Var dansleikurinn í hvívetna vel heppnaður.
Ýmis fyrirtæki í bænum og víðar hafa styrkt samkomu þessa með styrkjum og framlögum af ýmsu tagi frá upphafi vega eða yfir 20 ár.
Má þar helst nefna Hverabakarí sem hefur stutt dyggilega við bakið á klúbbunum með dýrindis bakkelsi. Lionsklúbbarnir kunna þeim hjónum Sigurjóni og Distu hjá Hverabakaríi bestu þakkir fyrir.
Hótel Örk hefur á sama tíma skaffað dúkaðan salinn, öll tæki og tól, kaffið og stundum starfsfólk til að upparta og uppvaska.
Er stuðningur þessara aðila fullkomlega ómetanlegur og hefði þetta ekki verði mögulegt án hans.
En fleiri fyrirtæki hafa stutt okkur dyggilega frá upphafi og eiga allar þakkir skyldar. Að öðrum ólöstuðum má þar helst nefna Hveragerðisbæ, Dvalarheimilið Ás, Heilsuhæli HLFÍ, Kjörís, Arion banki, Heilsugæsluna og Leikfélag Hveragerðis.