Varmahlíðarhús - dvalargestir 2014

skrifað 07. jan 2014
Varmahlíð, listamannahús stendur í hjarta bæjarins við FossflötVarmahlíð, listamannahús stendur í hjarta bæjarins við Fossflöt

Í desember fór fram úthlutun til listamanna um hverjir fengju að vera gestir í listamannahúsi Hveragerðisbæjar, Varmahlíð. 22 umsóknir bárust frá innlendum og erlendum listamönnum.

Á fundi MÍF-nefndar í desember var samþykkt að eftirfarandi listamenn fengju úthlutun:

  • Hjörtur Pálsson, rithöfundur í janúar
  • Steinn Kárason, rithöfundur í febrúar
  • Kristian Guttesen, rithöfundur í mars
  • Ástmar Ólafsson, tónlistarmaður í apríl
  • Pia Rakel Sverrisdóttir, myndlistarmaður í maí
  • Siena Gillann Porta, myndlistarmaður í júní
  • Þorsteinn Guðmundsson, rithöfundur í júlí
  • Jóna Hlíf Halldórsdóttir, Karlotta Blöndal og Ólöf Helga Helgadóttir, myndlistarmenn í ágúst
  • Steinunn G. Helgadóttir, rithöf/myndlistarmaður í september
  • Ingi Reyndal, rithöfundur í október
  • Auður H. Ingólfsdóttir, rithöfundur í nóvember
  • Óskar Árni Óskarsson, rithöfundur í desember

Húsið er ætlað lista- og fræðimönnum allt árið um kring. Ekki er gert ráð fyrir að gestir Varmahlíðar greiði fyrir aðstöðuna en hins vegar er ætlast til að þeir sem úthlutun hljóta séu með kynningu á listsköpun sinni og stuðli að því að efla menningaráhuga uppvaxandi kynslóðar í Hveragerði.

Á undanförnum árum hafa listamenn kynnt list sína í skólunum, hjá eldri borgurum, í Bókasafninu eða í Listasafni Árnesinga. Einnig hafa listamenn komið fram á hátíðum í bænum.